រដ្ឋលេខាធិការដ្ឋានអាកាសចរស៊ីវិលបានបានស្នើដល់ពលរដ្ឋដែលរស់នៅខេត្តសៀមរាបទាំងអស់កុំឲ្យមានការភ្ញាក់ផ្អើលចំពោះការរៀបចំសមយុទ្ធគ្រប់គ្រងគ្រោះអាសន្នប្រចាំឆ្នាំ នៅអាកាសយាន្តដ្ឋានខេត្តសៀមរាប។
ក្នុងសេចក្តីជូនដំណឹងចុះថ្ងៃទី១២ កញ្ញា ដែលវីអូឌីទើបទទួល បានឲ្យដឹងថា នៅថ្ងៃទី២៩ កញ្ញាខាងមុខនៅអាកាសយាន្ដដ្ឋានអន្តរជាតិខេត្តសៀមរាប និងមានសមយុទ្ធគ្រប់គ្រងគ្រោះអាសន្នប្រចាំឆ្នាំ ដើម្បីហ្វឹកហ្វឺន ដើម្បីជាបទពិសោធន៍លើការងារជួយសង្គ្រោះជនរងគ្រោះនៅពេលមានគ្រោះមហន្តរាយ កើតឡើងជាយថាហេតុ។
រដ្ឋលេខាធិការដ្ឋានបានឲ្យដឹងបន្ថែមថា ក្នុងសមយុទ្ធនោះនឹងមានការដុតកង់ឡានធ្វើឲ្យផ្សែងខ្មួលខ្មាញ់ និងមានការប្រកាសអាសន្នដល់អាជ្ញាធរដែនដី កងកម្លាំងប្រដាប់អាវុធ ក្រុមសង្គ្រោះបន្ទាន់ផងដែរ៕