លោកនាយករដ្ឋមន្ត្រី ហ៊ុន សែន ធ្វើដំណើរចាកចេញពីប្រទេសកម្ពុជានៅព្រឹកថ្ងៃព្រហស្បតិ៍នេះ ដើម្បីទៅចូលរួមក្នុងពិធីថ្វាយព្រះភ្លើង (បូជា) អតីតក្សត្រថៃ Bhumibol Adulyadej នៅក្នុងទីក្រុងបាងកកប្រទេសថៃ។
នៅលើហ្វេសប៊ុករបស់លោកនាយករដ្ឋមន្ត្រី ហ៊ុន សែន នៅព្រឹកថ្ងៃព្រហស្បតិ៍នេះ បានបង្ហោះរូបដែលមានមន្ត្រីជាន់ខ្ពស់មួយចំនួនជូនដំណើរនៅព្រលានយន្តហោះអន្តរជាតិភ្នំពេញ និងមានសារបញ្ជាក់ថា ទៅចូលរួមពិធីថ្វាយព្រះភ្លើងដល់អតីតក្សត្រថៃ។
អតីតក្សត្រថៃ Bhumibol Adulyadej បានចូលទិវង្គតនៅថ្ងៃទី១៣ខែតុលាឆ្នាំ២០១៦ ហើយបន្ទាប់ពីតម្កល់ទុកជាង១ឆ្នាំមកនេះ រដ្ឋាភិបាលយោធាថៃក៏រៀបចំពិធីថ្វាយព្រះភ្លើងនៅថ្ងៃទី១៦ខែតុលានេះ។ ក្នុងពិធីនេះមានមេដឹកនាំសំខាន់ក្នុងតំបន់ចូលរួម និងមានពលរដ្ឋថៃជាង២០០ ០០០នាក់ចូលរួមកាន់ទុក្ខក្នុងពិធីនេះ៕