នគរបាលថៃបានឲ្យដឹងថា មនុស្សចំនួន៩នាក់ត្រូវបានឃាត់ខ្លួន ដោយសង្ស័យថាបានលួចចូលរំខានគេហទំព័ររដ្ឋាភិបាល ដើម្បីតវ៉ាប្រឆាំងការធ្វើវិសោធនកម្មលើច្បាប់សន្តិសុខអ៊ិនធើណែត ដោយរិះគន់ថាមានការរឹតបន្តឹងសេរីភាពខ្លាំង។
រដ្ឋសភាបានសម្រេចអនុម័តនៅក្នុងខែនេះក្នុងការធ្វើវិសោធនកម្មលើច្បាប់ឧក្រិដ្ឋកម្មអ៊ិនធើណែត នៅពេលដែលក្រុមការពារសិទ្ធិមនុស្សហាក់កំពុងតាមដានលើការងាររបស់រដ្ឋាភិបាលប្រព័ន្ធអ៊ិនធើណែត។ ជាការឆ្លើយតបប្រតិកម្ម គឺគេហទំព័រដ្ឋាភិបាលរាប់សិបត្រូវគេចូលរំខាន(Hack)។ នេះបើតាមសារព័ត៌មាន Channel News Asia។
រដ្ឋាភិបាលបានប្រកាសថា គេហទំព័រទាំងនោះរងការរំខានតែមួយរយៈពេលខ្លីប៉ុណ្ណោះ បន្ទាប់មកក្រុមការងារជំនាញក៏ដោះស្រាយបានវិញ។
ឧបនាយករដ្ឋមន្ត្រី Prawit Wongsuwan ថ្លែងប្រាប់អ្នកសារព័ត៌មានថា មនុស្សចំនួន៩នាក់ត្រូវបានឃាត់ខ្លួនពាក់ព័ន្ធនឹងការចូលរំខានគេហទំព័ររដ្ឋាភិបាល។
គនរបាលបញ្ជាក់ថា ម្នាក់ក្នុងចំណោម៩នាក់នោះ ត្រូវបានចោទថារំលោភច្បាប់អ៊ិនធើណែត៕