មេបញ្ជាការយោធា មីយ៉ាន់ម៉ា បានថ្លែងការពារ សកម្មភាពទាហានបង្ក្រាបលើជនជាតិដើមភាគតិច បន្ទាប់ពីអង្គការសហប្រជាជាតិថា និង ស៊ើបអង្កេត លើសកម្មភាពកងកម្លាំងប្រដាបអាវុធ បានសម្លាប់ និង ធ្វើទារុណកម្មប្រឆាំងជនជាតិភាគតិចកាន់សាសនាឥស្លាមនៅនៅរដ្ឋរ៉ាក់ឃីន។
បច្ចុប្បន្នជនជាតិភាគតិចរ៉ូហ៊ីងយ៉ាប្រមាណ៧៥ ០០០នាក់ បានរត់គេចខ្លួនពីមីយ៉ាន់ម៉ាទៅប្រទេសបង់ក្លាដេស គេចចេញពីយុទ្ធនាការបង្ក្រាបរបស់សមត្ថកិច្ច។
ក្រុមស៊ើបអង្កេតអង្គការសហប្រជាជាតិ ជឿជាក់ថា កងកម្លាំងប្រដាប់អាវុធ បានព្យាយាមធ្វើសកម្មភាពប្រឆាំងមនុស្សជាតិ ។ កាលពីសប្តាហ៍មុន ក្រុមប្រឹក្សាសិទ្ធិមនុស្សនៃអង្គការសហប្រជាជាតិ បានឯកភាពបញ្ជូនក្រុមការងារឯករាជ្យ ដើម្បីស្វែងរកតម្លាភាពក្នុងការផ្តល់យុត្តិធម៌ដល់ជនរងគ្រោះនៅក្នុងប្រទេសមីយ៉ាន់ម៉ា។
រដ្ឋាភិបាលមីយ៉ាន់ម៉ារងការរិះគន់ជាយូរណាស់មកហើយ ជុំវិញការធ្វើទុក្ខបុកម្នេញលើ ជនជាតិភាគតិចរ៉ូហ៊ីងយ៉ាងប្រមាណ១លាននាក់រស់នៅក្នុងរដ្ឋរ៉ាឃីន ជាក្រុមដែលបដិសេធថា ពួកគេមិនមែនជា ជនអន្តោប្រវេសខុសច្បាប់រត់គេចពីបង់ក្លាដេសទេ។
ថ្លែងនៅក្នុងពិធីជួបជុំមួយនៅក្នុងរដ្ឋធានីក្នុងថ្ងៃទិវាកងកម្លាំងប្រដាប់អាវុធនៅថ្ងៃចន្ទនេះ លោក មីង អ៊ុងឡាំង ថ្លែងថា ជនជាតិបង់ក្លាដេសរស់នៅក្នុងរដ្ឋរ៉ាឃីនមិនមានសញ្ជាតិមីយ៉ាន់ម៉ានោះទេ។ លោកថា អំពើភេរវកម្មវាយប្រហារប៉ុស្តិ៍យាមរបស់នគរបាលកាលពីខែតុលាឆ្នាំ២០១៦នោះ លោកថា ជាលទ្ធផលនៃការបង្កភាពវឹកវរផ្នែកនយោបាយបង្កឡើងដោយក្រុមជនជាតិភាគតិចនេះ។