ក្រុមជួយសង្គ្រោះរបស់នេប៉ាល់ បានរកឃើញយុវជនជានិស្សិតជនជាតិតៃវ៉ាន់អាយ២១ឆ្នាំនៅមានជីវិតក្រោយពេលវង្វេងក្នុងព្រៃនៃភ្នំហិមាឡៃរយៈពេល៤៧ថ្ងៃ ចំណែកមិត្តស្រីរបស់លោកបានស្លាប់។
ក្រោយការស្រាវជ្រាវយ៉ាងស្វិតស្វាយរបស់ក្រុមជួយសង្គ្រោះនោះ បានរកឃើញបុរសឈ្មោះ Liang Sheng Yueh ស្ថិតនៅក្នុងជ្រោះជ្រៅមួយ ជម្រៅ ២ ៦០០ម៉ែត្រ នៅជិត ភូមិមួយនៃប្រទេសនេប៉ាល់។ ចំណែកមិត្តស្រីរបស់លោកឈ្មោះ Liu Chen Chun អាយុ១៩ឆ្នាំ បានស្លាប់ បីថ្ងៃមុនក្រុមជួយសង្គ្រោះរកឃើញ ហើយសាកសពនៅជិតបុរសជាមិត្តប្រុសនោះ។នេះបើតាមសារព័ត៌មានBBC។
បច្ចុប្បន្នយុវជនជនជាតិតៃវ៉ាន់រូបនោះ កំពុងសម្រាកព្យាបាលនៅមន្ទីរពេទ្យនៅរដ្ឋ Kathmandu នៃប្រទេសនេប៉ាល់ ស្ថិតនៅក្នុងស្ថានភាពគ្រោះថ្នាក់។ វេជ្ជបណ្ឌិតដែលព្យាបាលបុរសនោះថ្លែងថា បុរសនោះមិនកើតជំងឺតក់ស្លុតទេ ហើយអាចនិយាយបានយឺតៗ ប៉ុន្តែខ្លួនប្រាណមានដំបៅជាច្រើន ដោយសារសត្វនៅក្នុងព្រៃខាំ។
អ្នកធ្វើដំណើរលុកព្រៃរូបនោះថ្លែងថា គាត់ស្រកចុះ៣០គីឡូក្រាម បន្ទាប់ពីការវង្វេងក្នុងព្រៃរយៈពេល៧សប្តាហ៍មក ចំណែកក្បាលពោរពេញដោយសត្វចៃ ហើយជើងម្ខាងមានរបួសមានសត្វដង្កូវក្នុងនោះផង។
លោក Liang និង មិត្តស្រីរបស់លោក គឺជាសនិស្សិតឆ្នាំទី១នៃសាកលវិទ្យាល័យរបស់តៃវ៉ាន់ ហើយបានវង្វេងក្នុងព្រៃនៃតំបន់ភ្នំហិមាឡៃតាំងពីថ្ងៃទី៩ខែមីនា។