យុវជនបារាំងជាច្រើនបានប្រមូលផ្តុំនៅក្រុង Rennes និង ក្រុងផ្សេងៗទៀត គឺពួកគេបានជួបជុំគ្នា ហើយខ្លះទៀតក៏បិទសាលារៀន ដើម្បីតវ៉ាប្រឆាំងបេក្ខប្រធានាធិបតីបារាំងទាំងពីរគឺលោក Macron និង លោកស្រី Le Pen។
ក្នុងយុទ្ធនាការរបស់ពួកគេលើកឡើងថា យើងត្រូវទទួលបានបេក្ខជនល្អជាងនេះ។ យុវជនប្រមាណ១០០០នាក់ បានចេញខាងក្រៅ នៅទីក្រុងភាគខាងលិច ដែលពួកគេស្រែកថា មិនត្រូវការ Macron និង Le Pen ទេ។
នគរបាលបង្ក្រាបកុប្បកម្មបានប្រើប្រាស់ ឧស្ម័នបង្ហូរទឹកភ្នែក ដើម្បីរារាំងសកម្មភាពយុវជនទាំងនោះ ដែលកំពុងធ្វើកម្មភាពនៅតាមទីក្រុង។នេះបើតាមសារព័ត៌មានBBC ។
ការបោះឆ្នោតស្ទង់មតិ ត្រូវបានធ្វើឡើងកាលពីថ្ងៃអាទិត្យសប្តាហ៍មុន នៅក្នុងវគ្គដំបូង ហើយលទ្ធផលបង្ហាញថា លោក Macron និង លោកស្រី Ms Le Pen ជាបេក្ខលេចធ្លោហើយនឹងត្រូវប្រកួតបេក្ខជនទាំងពីរនៅជុំទី២ នៅថ្ងៃទី៧ខែឧសភាម្តងទៀត។
តាមការចុះផ្សាយរបស់ប្រព័ន្ធផ្សព្វផ្សាយនានាឲ្យដឹងថា នៅក្នុងទីក្រុង Rennes មានយុវជនចូលរួមតវ៉ាប្រមាណ៩៥០នាក់ទៅ ១៥០០នាក់ ដែលប្រមូលផ្តុំនៅកណ្តាលទីក្រុង។
បន្ទាប់ពីការប្រមូលផ្តុំតវ៉ាដោយសន្តិវិធីនោះ មានយុវជនប្រមាណ៥០នាក់មាន ចូលកាន់កាប់ស្ថានីយ៍រថភ្លើង ប៉ុន្តែត្រូវបាននគរបាលបង្ក្រាបកុប្បកម្មប្រើប្រាស់ ឧស្ម័នបង្ហូរទឹកភ្នែក ដើម្បីទប់ស្កាត់សកម្មភាពយុវជន និង ដើម្បីថែរក្សាសណ្តាប់ធ្នាប់។ ក្រោយមកចលនារបស់យុវជននៅតែបន្តតវ៉ា ហើយនគរបាលបានប្រើប្រាស់ឧត្ថម្ភាចក្រដើម្បីតាមដានឃ្លាំមើលហ្វូងមនុស្សទាំងនោះ៕