រដ្ឋាភិបាលប្រកាសផ្ទេរសិទ្ធិដល់អាជ្ញាធរមូលដ្ឋានជាអ្នកទទួលខុសត្រូវក្នុងការចុះបញ្ជីដីធ្លីដល់ប្រជាពលរដ្ឋនៅតាមមូលដ្ឋានរបស់ខ្លួន។
ក្រសួងរៀបចំដែនដី នគររូបនីយកម្ម និងសំណង់បានចេញសេចក្ដីប្រកាសអន្តរក្រសួងថ្មីចុះថ្ងៃទី១៥ ខែមិថុនា ដែលវីអូឌីទើបតែទទួលបានស្ដីពីការកែសម្រួលប្រការ៩នៃប្រកាសអន្តរក្រសួងលើតួនាទីនិងការទទួលខុសត្រូវរបស់រដ្ឋបាលឃុំ-សង្កាត់ក្នុងការចុះបញ្ជីដីធ្លី។
តាមប្រការ៩ថ្មីនៃប្រកាសអន្តរក្រសួងបញ្ជាក់ថាមេឃុំ-ចៅសង្កាត់ជាអ្នកបញ្ជាក់លើលិខិតសញ្ញាផ្សេងៗដូចជាលិខិតលក់ផ្ដាច់ លិខិតអំណោយផ្ដាច់ កិច្ចសន្យាបញ្ចាំ ដាក់ធានា និងលិខិតផ្សេងៗទៀត ហើយក៏ត្រូវទទួលខុសត្រូវលើអត្តសញ្ញាណអចលនវត្ថុដែលជាកម្មវត្ថុនៃលិខិតកិច្ចសន្យានិងអត្តសញ្ញាណគូភាគីនៃកិច្ចសន្យាផងដែរ។
កាលពីមុនរាល់ការចុះបញ្ជីដីធ្លីគឺជាតួនាទីរបស់ជំនាញសុរិយោដីដែលស្ថិតក្រោមក្រសួងរៀបចំដែនដី នគររូបនីយកម្ម និងសំណង់៕