អន្តរជាតិ

យន្តហោះទម្លាក់គ្រាប់បែកបរមាណូហោះលើឧបទ្វីបកូរ៉េក្រោយកូរ៉េខាងជើងតេស្តមីស៊ីល

លោក ឌិត សុខធី
| ៣០ កក្កដា ២០១៧
ម៉ោង ១២:០០

យន្កហោះទម្លាក់គ្រាប់ B-1B របស់កងទ័ពអាកាសអាមេរិក បានហោះហើររំលងលើឧបទ្វីបកូរ៉េនៅថ្ងៃនេះ ជាសញ្ញាបង្ហាញនូវប្រតិកម្មដោយផ្ទាល់ទៅនឹងការសាកល្បងគ្រាប់មីស៊ីលនាពេលថ្មីៗនេះរបស់កូរ៉េខាងជើង។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP ដែលបានដកស្រង់សម្ដីសេចក្ដីប្រកាសព័ត៌មានរបស់កងទ័ពអាកាសអាមេរិក នៅថ្ងៃនេះ។

កូរ៉េខាងជើង បាននិយាយថា ខ្លួនបានធ្វើតេស្តសាកល្បងដោយជោគជ័យនូវគ្រាប់មីស៊ីលឆ្លងទ្វីបមួយទៀត កាលពីថ្ងៃសុក្រកន្លងមកនេះ ដែលបង្ហាញថា គ្រាប់មីស៊ីលនោះមានសមត្ថភាពអាចវាយប្រហារដល់ទឹកដីអាមេរិក ដោយជំរុញឲ្យមានការព្រមានពីប្រធានាធិបតីអាមេរិក លោក ដូណាល់ ត្រាំ។

សេចក្ដីប្រកាសព័ត៌មាននោះ បានលើកឡើងថា យន្តហោះទម្លាក់គ្រាប់បែក B-1B ដែលបានហោះហើរកាលពីថ្ងៃម្សិលមិញនោះ គឺជាការឆ្លើយតបដោយផ្ទាល់ទៅនឹងការតេស្តសាកល្បងគ្រាប់មីស៊ីលនោះ និងការបាញ់គ្រាប់មីស៊ីលហ្វានសុង ១៤ កាលពីថ្ងៃទី៣ ខែកក្កដាកន្លងមកនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។