សិក្ខាកាមសារព័ត៌មាន Newsroom Cambodia ជំនាន់ទី១ អះអាងថា ទទួលបាននូវចំណេះដឹង និងបទពិសោធន៍ច្រើន ទាក់ទងនឹងជំនាញសរសេរព័ត៌មាន បន្ទាប់ពីបានចូលរួមក្នុងវគ្គបណ្ដុះបណ្ដាលអស់រយៈពេល៣ខែ ដែលរៀបចំដោយ«មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ» (CCIM)។
តំណាងពលរដ្ឋមានជម្លោះដីធ្លីនៅខេត្តកោះកុង អះអាងថា ពួកគេគ្រោងប្រារព្ធទិវាសិទ្ធិមនុស្សនៅសប្ដាហ៍ក្រោយនេះ ប៉ុន្តែ អាជ្ញាធរខេត្តកោះកុង មិនទទួលយកលិខិតជូនដំណឹងរបស់ពួកគេអំពីការជួបជុំនេះនោះឡើយ។
ក្រុមសិទ្ធិមនុស្សរបស់រដ្ឋាភិបាល និងក្រុមអង្គការសង្គមស៊ីវិល គ្រោងរៀបចំទិវាសិទ្ធិមនុស្ស ១០ ធ្នូ នៅថ្ងៃដាច់ដោយឡែកពីគ្នា និងក្រោមប្រធានបទផ្សេងគ្នាផងដែរនាពេលខាងមុខនេះ។
មន្ត្រីជាន់ខ្ពស់អង្គការលីកាដូ អះអាងថា សេរីភាពបញ្ចេញមតិ និងសិទ្ធិនយោបាយ នៅតែរងការរំលោភបំពានពីអាជ្ញាធរដ្ឋនៅក្នុងរយៈពេល ១០ឆ្នាំមកនេះ បើទោះបីជាកម្ពុជាផ្តល់សច្ចាប័នជាមួយអង្គការសហប្រជាជាតិក៏ដោយ ដែលធ្វើឱ្យកម្ពុជាប្រឈមទៅនឹងវិធានការកាត់ផ្តាច់ប្រព័ន្ធអនុគ្រោះផ្នែកពាណិជ្ជកម្ម។
សហមេធាវីការពារក្ដីលោក កឹម សុខា បំពេញការងារតំណាងឱ្យកូនក្តីបានប្តឹងជំទាស់ទៅឧទ្ធរណ៍ដោយចាត់ទុកថា ការដែលចៅក្រមស៊ើបសួរសាលាដំបូងសម្រេចបញ្ជូនសំណុំរឿងកូនក្ដីទៅជម្រះ ជារឿងអយុត្តិធម៌។
ក្រុមយុវជនធ្វើយុទ្ធនាការជិះកង់ដើម្បីសង្គ្រោះព្រៃព្រះរការ លើកឡើងថា សកម្មភាពការពារបរិស្ថានរបស់ពួកគេ បានរងការគំរាមកំហែង និងបំភិតបំភ័យពីសំណាក់អាជ្ញាធរដែនដី ប៉ុន្តែ ការអះអាងនេះត្រូវបានអាជ្ញាធរច្រានចោល។
សាលាឧទ្ធរណ៍សម្រេចតម្កល់សាលក្រមរបស់សាលាដំបូងរាជធានីភ្នំពេញ លើសំណុំរឿងអ្នកបកប្រែឲ្យផលិតករភាពយន្តឯកសារ «ម្តាយខ្ញុំលក់ខ្ញុំ» របស់ទូរទស្សន៍រុស្ស៊ី RT។
សាលាដំបូងរាជធានីភ្នំពេញសម្រេចអនុញ្ញាតឱ្យលោក គង់ រ៉ៃយ៉ា នៅក្រៅឃុំបណ្ដោះអាសន្ន បន្ទាប់ជាប់ពន្ធនាគារជាង៤ខែកន្លងមក ក្រោយពីលោកប្រកាសលក់អាវយឺតមានរូបលោក កែម ឡី ដោយភ្ជាប់ជាមួយទ្រឹស្តីថា«បើអ្នកមិនធ្វើអ្វីសោះ ក៏គង់នឹងរងគ្រោះដែរ»។
អគ្គនាយកដ្ឋានពន្ធនាគារនៃក្រសួងមហាផ្ទៃ បានបដិសេធចំពោះខ្សែវីដេអូរបស់អង្គការលីកាដូ ដែលបង្ហាញពីជីវិតស្ត្រីជាម្ដាយនៅក្នុងពន្ធនាគារ ដោយចាត់ទុកវីដេអូថានេះ មិនបានឆ្លុះបញ្ចាំងពីការពិតនៃស្ថានភាពទូទៅក្នុងដំណើរការគ្រប់គ្រងពន្ធនាគារទូទាំងប្រទេសនាពេលបច្ចុប្បន្ន។
តុលាការ នឹងប្រកាសសេចក្តីសម្រេចលើពាក្យសុំនៅក្រៅឃុំបណ្តោះអាសន្នរបស់យុវជន គង់ រ៉ៃយ៉ា នាថ្ងៃ២៩ ខែវិច្ឆិកាខាងមុខនេះ។ នេះបើតាមការបញ្ជាក់របស់លោកស្រីចៅក្រម អ៊ុក រ៉េតគន្ធា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
