សហរដ្ឋអាមេរិកព្រមានកាលពីថ្ងៃពុធម្សិលមិញថា នឹងធ្វើសកម្មភាពដោយឯកតោភាគីបើសិនជា អង្គការសហប្រជាជាតិនៅតែបរាជ័យក្នុងការចាត់វិធានការលើប្រទេស៊ីរី ដែលមានការសង្ស័យថា បានវាយប្រហារអាវុធគីមីជាថ្មីទៀតដែលបណ្តាលឲ្យមនុស្សជាច្រើនរួមទាំងកុមារផងបានស្លាប់។
លោកអ៊ុង សានស៊ូជី ទីប្រឹក្សារដ្ឋាភិបាល និង ជារដ្ឋមន្ត្រីការបរទេសមីយ៉ាន់ម៉ា បានច្រានចោលចំពោះការចោទប្រកាន់ថា រដ្ឋាភិបាលនៃប្រទេសកំពុងតែធ្វើសកម្មភាពលុបបំបាត់ជនជាតិភាគតិចនៅក្នុងប្រទេសនេះតាមរូបភាពធ្វើទុក្ខម្នេញផ្សេងៗ។
នគរបាលថៃបានឲ្យដឹងថា មានករណីផ្ទុះគ្រាប់ជាទ្រង់ទ្រាយតូចមួយនៅជិតនិមិត្តសញ្ញាសម្គាល់ភូមិសាស្ត្រក្នុងទីក្រុងបាងកក កាលពីថ្ងៃពុធម្សិលមិញ នៅមុនពេលដែលមានពិធីចុះហត្ថលេខាប្រកាសឲ្យអនុវត្តន៍ជាផ្លូវការរដ្ឋធម្មនុញ្ញថ្មី ដែលក្នុងនោះមានការកំណត់ពីពេលបោះឆ្នោតរើសរដ្ឋាភិបាលថ្មី និង បញ្ចប់ការដឹកនាំរបស់ពួកយោធា។
ក្រុមតាលីបង់ប៉ាគីស្ថាន នៅថ្ងៃនេះ បានប្រកាសទទួលខុសត្រូវចំពោះការវាយប្រហារអត្តឃាតទៅលើក្រុមជំរឿនយោធាមួយ ដែលបានសម្លាប់មនុស្សយ៉ាងតិច ៦នាក់ និងបណ្ដាលឲ្យមនុស្ស ១៨នាក់ទៀត បានរងរបួស នៅទីក្រុងឡាហ័រ ស្ថិតនៅភាគខាងកើតប្រទេសប៉ាគីស្ថាន។
ប្រទេសចិន បាននិយាយនៅថ្ងៃនេះថា ការសម្រេចចិត្តរបស់ឥណ្ឌាក្នុងការរៀបចំទទួលមេដឹកនាំទីបេសម្ដេចសង្ឃ ដាឡៃ ឡាម៉ា នៅលើតំបន់ព្រំដែនប្រទាញប្រទង់គ្នារវាងឥណ្ឌា និងចិន នឹងបង្កឲ្យមានអន្តរាយធ្ងន់ធ្ងរ ទៅដល់ទំនាក់ទំនងរវាងប្រទេសទាំងពីរ។
ចំនួនមនុស្សស្លាប់នៅក្នុងល្បាប់ភក់នៅភាគខាងត្បូងប្រទេសកូឡុំប៊ី បានកើនឡើងដល់ ២៩០នាក់ហើយនៅថ្ងៃនេះ ខណៈដែលក្រុមមន្ត្រីបានស៊ើបអង្កេតទៅលើវិធីបង្ការគ្រោះមហន្តរាយដ៏គួរឲ្យសង្វេគនេះ។
សារព័ត៌មានថៃ បានរាយការណ៍ថា ក្មេងៗសិស្សសាលា ២១៣នាក់ ដែលរស់នៅដោយខុសច្បាប់នៅក្នុងប្រទេស ត្រូវបានអាជ្ញាធរថៃផ្ដល់សញ្ជាតិថៃដូចសិស្សថៃដទៃទៀត។
សេតវិមានអាមេរិក បាននិយាយថា ខ្លួនជឿជាក់ថា រដ្ឋាភិបាលរបស់លោក បាសារ អាល់អាសាដ ស្ថិតនៅពីក្រោយការវាយប្រហារដោយសារធាតុគីមី ដែលបានសម្លាប់មនុស្សយ៉ាងតិច ៥៨នាក់ នៅភាគពាយព្យនៃប្រទេសស៊ីរី។
ក្រសួងការពារជាតិកូរ៉េខាងត្បូង បានប្រកាសថា កូរ៉េខាងជើង បានបាញ់គ្រាប់មីស៊ីលថ្មីមួយទៀតចូលទៅក្នុងសមុទ្រជប៉ុន នៅព្រឹកថ្ងៃនេះ ពោលគឺមួយថ្ងៃក្រោយពីក្រុងព្យុងយ៉ាងបានព្រមានសងសឹក ប្រសិនបើសហគមន៍អន្តរជាតិបង្កើនការដាក់ទណ្ឌកម្ម។
អ្នកនាំពាក្យរដ្ឋាភិបាលថៃ បានឲ្យដឹងថា គណៈរដ្ឋមន្ត្រីថៃ នៅថ្ងៃនេះ បានអនុម័តលើការទិញរថក្រោះ ១០គ្រឿងពីប្រទេសចិន មានតម្លៃ ៥៨លានដុល្លារ ដើម្បីជំនួសរថក្រោះចាស់ៗទិញពីអាមេរិក ដែលនេះគឺជាការបញ្ជាទិញលើកទីពីរ នៅក្នុងគម្រោងបញ្ជាទិញរថក្រោះ ៤៩គ្រឿងពីប្រទេសចិន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
