អ្នកវិភាគនិងមន្ត្រីអង្គការសង្គមស៊ីវិលបង្ហាញការយល់ឃើញប្រហាក់ប្រហែលគ្នាថា ការជំរុញឲ្យរដ្ឋាភិបាលវែកមុខអ្នកនៅពីក្រោយការបាញ់សម្លាប់លោក កែម ឡី មកផ្តន្ទាទោសបាន លុះណាតែមានការចូលរួមជំរុញយ៉ាងសកម្មពីក្រុមអង្គការសង្គមស៊ីវិលនិងសាធារណជនដែលគាំទ្រ។
យុវជនជាសិស្សនិស្សិតនៅខេត្តបាត់ដំបងដែលធ្លាប់ជាសិស្សលោក កែម ឡី រៀបចំខួប ១០០ថ្ងៃជូនលោកនៅចុងសប្តាហ៍នេះ ហើយអំពាវនាវឲ្យសាធារណជន ចូលរួម ឲ្យបានច្រើន ដើម្បីរំឭកពីគុណសម្បត្តិរបស់លោក។
តាមកម្មវិធីបុណ្យដែលបានផ្សព្វផ្សាយគឺ បុណ្យចាប់ផ្តើមសូត្រមន្តនៅល្ងាចថ្ងៃ សៅរ៍នេះស្ថិតនៅវត្តកណ្តាល ភូមិរំចេក៤ សង្កាត់រតនៈ ក្រុងបាត់ដំបង។
លោកស្រី រ៉ូណា ស្មីត អ្នកតំណាងពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា បានចូលរួមអំពាវនាវឲ្យការស៊ើបអង្កេតឯករាជ្យ មិនលំអៀង និងតម្លាភាព លើករណីឃាតកម្មអ្នកវិភាគបញ្ហាសង្គមលោក កែម ឡី។ នេះបើតាមការបញ្ជាក់របស់លោកស្រី នៅក្នុងសេចក្ដីថ្លែងការណ៍បញ្ចប់បេសកម្មនៅក្នុងប្រទេសកម្ពុជា នៅរសៀលថ្ងៃទី១៩ ខែតុលានេះ។
ក្បួនដង្ហែរូបសំណាក់លោកបណ្ឌិត កែម ឡី បានឈានចូលដល់ស្រុកត្រាំកក់ ខេត្តតាកែវហើយ ដោយមានអ្នកចូលរួមដង្ហែយ៉ាងច្រើនដដែល បើទោះបីជាមានភ្លៀងធ្លាក់ខ្លះៗនៅតាមដងផ្លូវក៏ដោយ។
អ្នកយកព័ត៌មានវីអូឌី លោក ពៅ មេត្តា បានប្រាប់ថា ក្បួនដង្ហែដែលស្ថិតក្នុងល្បឿន ១០ ទៅ ១៥គីឡូម៉ែត្រក្នុងមួយម៉ោងនោះ អាចនឹងទៅដល់ភូមិកំណើតរបស់លោកបណ្ឌិត កែម ឡី នៅមួយម៉ោង។
គណកម្មការរៀបចំបុណ្យ១០០ថ្ងៃលោក កែម ឡី បានប៉ាន់ប្រមាណថា អ្នកចូលរួមហែរូបសំណាកអ្នកវិភាគល្បីឈ្មោះរូបនេះ មានប្រហែល៣ម៉ឺននាក់ គឺកើនលើសពីការរំពឹងទុក។
ព្រះតេជគុណប៊ុត ប៊ុនតិញ តំណាងគណៈកម្មការបុណ្យគម្រប់ខួប ១០០ថ្ងៃសពលោក កែម ឡី បានលើកឡើងថា នឹងមានបុណ្យរំលឹកពីការស្លាប់លោកបន្តទៅមុខទៀតរហូតដល់មានយុត្តិធម៌ជូនលោក។
ពិធីបុណ្យគម្រប់ខួប ១០០ថ្ងៃសពលោកបណ្ឌិត កែម ឡី ត្រូវបានរៀបចំធ្វើឡើងចាប់ពីថ្ងៃទី១៤ ដល់ថ្ងៃទី១៦ ខែតុលានេះ នៅឯវត្តពោធិយ៉ារាម ហៅវត្តចាស់ ស្ថិតក្នុងសង្កាត់ជ្រោយចង្វា ក្នុងរាជធានីភ្នំពេញ ហើយគ្រោងដង្ហែររូបសំណាក់លោក កែម ឡី ទៅកាន់ស្រុកត្រាំកក់ ខេត្តតាកែវ នៅព្រឹកថ្ងៃស្អែក។
តំណាងគណៈកម្មការរៀបចំបុណ្យគម្រប់ខួប ១០០ថ្ងៃសពលោកបណ្ឌិត កែម ឡី បានឲ្យដឹងថា មានប្រជាពលរដ្ឋចន្លោះពី ៣ ទៅ ៤ម៉ឺននាក់ បានទៅចូលរួមពិធីបុណ្យនៅព្រឹកថ្ងៃនេះ ដែលជាថ្ងៃទីពីរនៃពិធីបុណ្យ។
ពិធីបុណ្យគម្រប់ខួប ១០០ថ្ងៃសពលោកបណ្ឌិត កែម ឡី ត្រូវបានរៀបចំធ្វើឡើងចាប់ពីថ្ងៃទី១៤ ដល់ថ្ងៃទី១៦ ខែតុលានេះ នៅឯវត្តពោធិយ៉ារាម ហៅវត្តចាស់ ស្ថិតក្នុងសង្កាត់ជ្រោយចង្វា ក្នុងរាជធានីភ្នំពេញ ហើយគ្រោងដង្ហែររូបសំណាក់លោក កែម ឡី ទៅកាន់ស្រុកត្រាំកក់ ខេត្តតាកែវ នៅព្រឹកថ្ងៃស្អែក។
អ្នករាយការណ៍ពិសេសរបស់អង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំកម្ពុជា អ្នកស្រី រ៉ូណា ស្មីត ថ្លែងថា អ្នកស្រីនឹងលើកយកករណីឃាតកម្មលើលោកបណ្ឌិត កែម ឡី ទៅពិចារណា ក្នុងនាមអ្នកស្រីជាប្រេសិតពិសេសរបស់អង្គការពិភពលោកមួយនេះ។ នេះបើតាមការអះអាងពីសំណាក់លោក សៅ កុសល តំណាងគណៈកម្មការបុណ្យគម្រប់ខួប ១០០ថ្ងៃសពលោកបណ្ឌិត កែម ឡី។
ភរិយាលោកបណ្ឌិត កែម ឡី បានសម្តែងក្តីឈឹចាប់ ខណៈបុណ្យ១០០ថ្ងៃសពស្វាមី អ្នកស្រីមិនបានចូលរួមផ្ទាល់ ព្រោះស្នាក់នៅក្រៅប្រទេសដើម្បីស្វែងរកសិទ្ធិជ្រកកោន។
គណៈកម្មការរៀបចំបុណ្យ១០០ថ្ងៃលោក កែម ឡី អំពាវនាវឲ្យយុវជនចូលរួមស្ម័គ្រចិត្តជួយក្រុមការងារក្នុងការរៀបចំរោងបុណ្យនិងសម្ភារផ្សេងៗទៀត ខណៈពិធីបុណ្យចាប់ផ្តើមនៅថ្ងៃស្អែកនេះ ប៉ុន្តែការងារមួយចំនួននៅមិនទាន់រៀបចំហើយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
