ប្រមុខការពារកម្ពុជា បានព្រមានកម្ទេចចលនាសង្គ្រោះជាតិដែលផ្ដួចផ្ដើមឡើងដោយអតីតមេដឹកនាំបក្សប្រឆាំង ប្រសិនបើចលនានេះមានវត្តមាននៅក្នុងប្រទេសកម្ពុជា។
អតីតមេដឹកនាំបក្សប្រឆាំង លោក សម រង្ស៊ី បានប្ដេជ្ញាបង្កើតចលនាសង្គ្រោះជាតិឲ្យបាន បើទោះបីជាលោក កឹម សុខា បានអះអាងពីការជំទាស់របស់លោកម្ដងហើយម្ដងទៀតក្ដី។
ក្រសួងការបរទេសកម្ពុជាបានប្រកាសថា លោកនាយករដ្ឋមន្ត្រី ហ៊ុន សែន គ្រោងនឹងចាកចេញពីប្រទេសកម្ពុជា ទៅបំពេញទស្សនកិច្ចផ្លូវការរយៈពេល ៣ថ្ងៃនៅប្រទេសឥណ្ឌានៅថ្ងៃស្អែកនេះ។
មន្ត្រីតុលាការកំពូល២រូប នៅក្នុងចំណោមចៅក្រម៩រូប ដែលបានសម្រេចរំលាយអតីតបក្សប្រឆាំងនោះ ត្រូវបានបក្សកាន់អំណាចដាក់បញ្ចូលទៅក្នុងក្រុមការងារពិសេស ដើម្បីពង្រឹងសមត្ថភាពគណបក្សនេះ។
មនុស្សវ័យចាស់ ត្រូវបានគណបក្សកាន់អំណាចដាក់បញ្ចូលទៅក្នុងគោលនយោបាយថ្មីរបស់ខ្លួន ខណៈការបោះឆ្នោតថ្នាក់ជាតិកាន់តែខិតចូលមកដល់ បន្ទាប់ពីគណបក្សពីរ បានលើកយកបញ្ហានេះដាក់ចូលក្នុងគោលនយោបាយរបស់ខ្លួនរួចមកនោះ។
កូនស្រីមេដឹកនាំបក្សប្រឆាំងដែលកំពុងជាប់ឃុំ បានអះអាងថា ឪពុករបស់នាងនៅតែរក្សាជំហរមិនចូលរួមនឹងចលនាសង្គ្រោះជាតិផ្ដួចផ្ដើមឡើងដោយអតីតមេដឹកនាំបក្សប្រឆាំងនោះឡើយ ដោយថា ជំហរបែបនេះ ត្រូវបានសម្រេចឡើងដោយឆន្ទៈ។
អតីតសមាជិកគណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. លោក រ៉ុង ឈុន ត្រូវបានតែងតាំងជាទីប្រឹក្សាសមាគមគ្រូបង្រៀនកម្ពុជាឯករាជ្យ បន្ទាប់ពីលោកលាលែងចេញពី គ.ជ.ប.។ ក្នុងសេចក្ដីជូនដំណឹងនៅថ្ងៃនេះ សមាគមគ្រូបង្រៀនកម្ពុជាឯករាជ្យ បានឲ្យដឹងថា គណៈកម្មាធិការនាយកនៃសមាគមនេះ បានសម្រេចតែងតាំងអតីតសមាជិក គ.ជ.ប. ជាទីប្រឹក្សាសមាគមគ្រូបង្រៀនកម្ពុជាឯករាជ្យ។ បើតាមសេចក្ដីជូនដំណឹងដដែលនោះ ក្រៅពីតួនាទីជាទីប្រឹក្សា លោក រ៉ុង ឈុន ក៏នឹងទទួលបន្ទុកការទំនាក់ទំនងកិច្ចការជាតិ និងអន្តរជាតិ ជួយរៀបចំផែនការ និងយុទ្ធសាស្រ្តសមាគម និងជួយផ្ដល់បទសម្ភាសឲ្យអ្នកសារព័ត៌មានអំពីការងារសមាគម និងសង្គមផងដែរ។ លោក រ៉ុង ឈុន គឺជាអតីតសមាជិក គ.ជ.ប.មកពីកូតាគណបក្សសង្គ្រោះជាតិ ហើយលោកបានលាលែងចេញពីតួនាទីនៅស្ថាប័នរៀបចំការបោះឆ្នោត ៤ថ្ងៃក្រោយពីគណបក្សសង្គ្រោះជាតិត្រូវបានតុលាការកំពូលសម្រេចរំលាយចោលកាលពីពាក់កណ្ដាលខែវិច្ឆិកាឆ្នាំមុន ពាក់ព័ន្ធនឹងអ្វីដែលរដ្ឋាភិបាលចោទថា បានឃុតឃិតជាមួយបរទេស ក្នុងបំណងផ្ដួលរំលំរដ្ឋាភិបាលស្របច្បាប់ដឹកនាំដោយគណបក្សប្រជាជនកម្ពុជា។ លោក រ៉ុង ឈុន ធ្លាប់ជាអតីតប្រធានសមាគមគ្រូបង្រៀនកម្ពុជា មុននឹងលោកត្រូវបានគណបក្សសង្រ្គោះជាតិ សម្រចជ្រើសរើសឲ្យធ្វើជាសមាជិក គ.ជ.ប. នៅក្រោយការបោះឆ្នោតជាតិឆ្នាំ២០១៣៕
អតីតប្រធានគណបក្សសង្គ្រោះជាតិលោក សម រង្ស៊ី បានពន្យល់ពីភាពខុសគ្នានៃការបង្កើតចលនាសង្គ្រោះជាតិ និងបក្សសង្គ្រោះជាតិ បន្ទាប់ពីប្រធានបក្ស លោក កឹម សុខា ដែលកំពុងជាប់ឃុំនោះ ប្រកាសមិនចូលរួមជាមួយចលនានេះ។ ក្នុងកិច្ចប្រជុំជាមួយសមាជិកនៅគេហដ្ឋានរបស់លោកក្នុងទីក្រុងប៉ារីសកាលពីថ្ងៃម្សិលមិញ លោក សម រង្ស៊ី បានលើកឡើងថា ចលនាសង្គ្រោះជាតិ មានភាពទូលំទូលាយជាងបក្ស ដែលអាចឲ្យមានការចូលរួមពីគ្រប់ភាគី ទាំងសង្គមស៊ីវិល អ្នកការពារសិទ្ធិមនុស្ស ការពារបរិស្ថាន ព្រះសង្ឃ និងប្រជាពលរដ្ឋ ដើម្បីទាមទាឲ្យរដ្ឋាភិបាលដោះលែងអ្នកទោសមនសិការទាំងអស់ ហើយរៀបចំការបោះឆ្នោតដោយត្រឹមត្រូវ និង យុត្តិធម៌។ លោក សម រង្ស៊ី លើកឡើងថា៖ «ក្នុងចលនាសង្គ្រោះជាតិនេះ ច្បាស់ហើយមានអ្នកមកពីបក្សសង្គ្រោះជាតិ ប៉ុន្តែ មានអ្នកក្រៅច្រើន។ ដូចខ្ញុំនិយាយមិញ ខ្ញុំទៅអាមេរិកបានជួបខ្លះហើយ មានអ្នកសារព័ត៌មាន ពួកអង្គការក្រៅរដ្ឋាភិបាល រឿងសារព័ត៌មាន រឿងសង្គមកិច្ចផ្សេងៗ ពីមុនគេមិនចូលគណបក្សណាទាំងអស់ មិនដឹងទឹកចិត្តគេយ៉ាងមិច គេគាំទ្របក្សដោយស្ងៀមស្ងាត់ ឬយ៉ាងណា?។ ដល់តែបង្កើតចលនា គេចូលចលនា ព្រោះវាទូលំទូលាយ មិនមែនឃោសនាឲ្យបក្សនេះទេ»។
មេធាវីការពារក្ដីឲ្យលោក កឹម សុខា បានឲ្យដឹងថាកូនក្ដីរបស់ខ្លួនថាមិនចូលរួមជាមួយចលនាផ្សេងណាក្រៅពីបក្សសង្គ្រោះជាតិនោះទេ ខណៈលោកសម រង្ស៊ី ប្រកាសបង្កើតចលនាសង្គ្រោះជាតិ។
ក្រុមគ្រួសារលោក កែម ឡី ស្នើឲ្យតុលាការបន្ដវែកមុខរកឃាតកពិតប្រាកដ និងអ្នកពាក់ព័ន្ធក្នុងរឿងឃាតកម្ម ជាជាងចាត់ការលើគណៈកម្មាការរៀបចំបុណ្យសព ដែលត្រូវបានតុលាការចេញដីកាឃុំខ្លួន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
