​លោក​នាយករដ្ឋមន្ត្រី ​ហ៊ុន សែន បញ្ជា​ដល់​ក្រុមការងារ​ថ្នាក់​ជាតិ​ទាំង​អស់​ឲ្យ​ចុះ​មូលដ្ឋាន​ពន្យល់​ពលរដ្ឋ​ពី​ផល​វិបាក​នៃ​បដិវត្តន៍​ពណ៌ផ្តួលរំលំរដ្ឋាភិបាលដែលដឹកនាំដោយលោក សម រង្ស៊ី។​​

សមត្ថកិច្ចបិទផ្លូវ និងទីតាំងមួយចំនួននៅក្បែរសាលាដំបូងខេត្តបាត់ដំបងនៅព្រឹកនេះ ដោយសំអាងហេតុផលថា ដើម្បីរៀបចំសោភ័ណភាពតុលាការ ខណៈអតីតមន្ត្រីគណបក្សសង្គ្រោះជាតិ​៦រូបទៀតបន្តចូលខ្លួនបំភ្លឺតាមដីកាកោះ។​

អតីតមន្ដ្រីគណបក្សសង្គ្រោះជាតិ បង្ហាញការងឿងឆ្ងល់ចំពោះសាលាដំបូងខេត្តបាត់ដំបង កោះហៅសាកសួរជុំវិញការចោទប្រកាន់ថា ពួកគេបានធ្វើសកម្មភាពបំពានសាលដីកាតុលាការកំពូល ដោយគ្រាន់តែជួបជុំគ្នា និងទទួលទាននំបញ្ចុកនៅផ្ទះអតីតចៅសង្កាត់អូរចារ។

អ្នកឃ្លាំមើលការបោះឆ្នោត និង​​បញ្ហា​សង្គម​មួយចំនួន​ លើកឡើងថា​ ការចេញដីកាកោះហៅ​អតីតមន្ត្រី និងសកម្មជនគណបក្សសង្រ្គោះជាតិ ជារូបភាពគំរាមកំហែងផ្នែកនយោបាយ ដោយទាមទារឱ្យស្ថាប័នពាក់ព័ន្ធបកស្រាយករណីករណីនេះឱ្យបានច្បាស់លាស់ ចៀសវាងមានការចោទប្រកាន់ទៅលើប្រព័ន្ធយុត្តិធម៌បន្តទៀត។ ​

លោកនាយករដ្ឋ​មន្ត្រី ហ៊ុន សែន បាន​ផ្ញើ​សារ​អរគុណ​ទៅ​ដល់​ប្រជា​ពលរដ្ឋ​ខ្មែរ​ឥស្លាម ដោយ​ថា បាន​ចូលរួម​ថែ​រក្សា​សន្តិភាព និង​មាន​ជំនឿ​លើ​ការ​ដឹក​នាំ​របស់​លោក។

តុលាការខេត្តនេះចេញដីកាកោះហៅអតីមន្ត្រីគណបក្សសង្គ្រោះជាតិខេត្តបាត់ដំបង ចំនួន១២នាក់ ចូលទៅបំភ្លឺ ចាប់ពីថ្ងៃទី៩ ដល់ថ្ងៃ១៧ ខែឧសភានេះ នូវអ្វីដែលតំណាងអយ្យការចាត់ទុកថា ពួកគេប្រឆាំងនឹងសាលដីកាតុលាការកំពូល ចុះថ្ងៃទី១៦ ខែវិច្ឆិកា ឆ្នាំ២០១៧។

យុវជនក្រុមការងារ១០០រាត្រីចេញរបាយការណ៍ថា រចនាសម្ព័ន្ធដឹកនាំរបស់គណបក្សកាន់អំណាចមានលំនាំដូចប្រព័ន្ធដឹកនាំបែបកុម្មុយនីស្ត ដោយថា បក្សមួយនេះបានយកប្រព័ន្ធតុលាការធ្វើជាឧបករណ៍ពង្រឹងអំណាច ។