រដ្ឋាភិបាលឲ្យដឹងថាជំនន់ទឹកភ្លៀងកាលពីពេលកន្លងទៅនេះ បានធ្វើឲ្យខូចខាតដំណាំស្រូវអស់ប្រមាណជាង ១ ម៉ឹន ហិកតា នៅតាមបណ្តាខេត្តចំនួន៤។
សេចក្តីប្រកាសរបស់ក្រសួងកសិកម្ម រក្ខាប្រមាញ់ និងនេសាទ ចុះថ្ងៃទី៣ សីហា បង្ហាញថា ជំនន់ទឹកភ្លៀងកាលពីពេលថ្មីៗនេះ បានបង្កឲ្យខូចខាតដំណាំស្រូវអស់១១ ៨៣៨ ហិកតា(មួយម៉ឺន មួយពាន់ ប្រាំបីរយ ហិចតា) មានទាំងសន្ទូងនិងពង្រោះផង នៅក្នុងខេត្តកំពង់ធំ ក្រចេះ ស្ទឹងត្រែង និងព្រះវិហារ។ ការខូចខាតទាំងនេះកើតឡើង ក្រោយពីការបង្កបង្កើនផលស្រូវវស្សា របស់កសិករក្នុងប្រទេសជិតបានសម្រេច១០០%។
ឆ្លើយតបទៅបញ្ហានេះ ក្រសួងអះអាងថា ខ្លួនចុះវាយតម្លៃលើផលប៉ះពាល់និងការខូចខាត ដោយណែនាំកសិករឲ្យប្រើពូជស្រូវមិនប្រកាន់រដូវ ចុះអន្តរាគមន៍ជួយស្ទូងដល់ពលរដ្ឋ ព្រមទាំងរកវិធានការណ៍បន្ថែមសម្រាប់ស្តារឡើងវិញការខូចខាតផង៕