រថយន្តក្រុងរបស់ក្រុមហ៊ុន ថោងស៊ិង ដឹកអ្នកដំណើរពីសៀមរាបទៅក្រុងប៉ោយប៉ែត បានឆ្លងចរន្តអគ្គិសនីឆេះ អស់ទាំងស្រុងកាលពីល្ងាចថ្ងៃអង្គារម្សិលមិញ នៅពេលកំពុងបើកបរលើផ្លូវជាតិលេខ៥។
គេហទំព័រអគ្គស្នងការដ្ឋាននគរបាលជាតិចុះផ្សាយថា រថយន្តនោះធុន២៤កៅអី ដឹកភ្ញៀវជាជនបរទេសចំនួន១៤នាក់ចេញពីខេត្តសៀមរាបឆ្ពោះទៅក្រុងប៉ោយប៉ែត បានឆេះនៅម៉ោង៥និង៣០នាទីល្ងាច នៅត្រង់ចំណុចសង្កាត់ទឹកថ្លាក្រុង សិរីសោភ័ណ ខេត្តបន្ទាយមានជ័យ។
តាមរបាយការណ៍សមត្ថកិច្ចឲ្យដឹងថា អ្នកដំណើរមិនរងគ្រោះថ្នាក់ទេ ព្រោះបានចុះពីរថយន្តមុនភ្លើងឆេះខ្លាំង ហើយក្រុមហ៊ុនបានយករថយន្តថ្មីដឹកអ្នកដំណើរទាំងនោះដល់គោលដៅ៕
