ជនជាតិវៀតណាមប្រុសស្រីចំនួន២៨នាក់ ត្រូវបានសមត្ថកិច្ចកម្ពុជា ធ្វើការឃាត់ខ្លួននាថ្ងៃទី០១ខែឧសភានេះ ដោយរកឃើញថាពួកគេប្រើប្រាស់ឯកសារមិនត្រឹមត្រូវ។
យោងតាមការចុះផ្សាយរបស់គេហទំព័រនគបាលជាតិ ជនជាតិវៀតណាមទាំងនេះ ត្រូវបានឃាត់ខ្លួននៅការដ្ឋានកប៉ាល់ បូមខ្សាច់មួយចំនួន នៅតាមដងទន្លេមេគង្គលើក្នុងភូមិសាស្រ្តរាជធានីភ្នំពេញ និងមេគង្គក្រោមក្នុងស្រុកល្វាឯមខេត្តកណ្ដាល។ ប្រភពដដែលឲ្យដឹងថា ជនជាតិវៀតណាមទាំង២៨នាក់នោះ ត្រូវបានបញ្ជូនទៅអគ្គនាយកដ្ឋានអន្តោប្រវេសន៍ ដើម្បីចាត់ការតាមនិតីវិធីច្បាប់។
ការចុះផ្សាយរបស់សារព័ត៌មានវៀតណាម Vietnam News កាលពីថ្ងៃទី២៣ខែមេសា រដ្ឋាភិបាលវៀតណាម បានពិភាក្សាជាមួយរដ្ឋាភិបាលកម្ពុជា ដើម្បីឲ្យភាគីកម្ពុជាជួយសម្រួលនិតីវិធីឲ្យជនជាតិរៀតណាមជាង១៧ម៉ឺននាក់ដែល កំពុងរស់នៅកម្ពុជា បានរស់នៅដោយស្របច្បាប់នៅកម្ពុជា៕