ទីតាំង២ដែលលោកត្រាំពិចារណាសម្រាប់ជួបលោកគីម

ប្រធានាធិបតីសហរដ្ឋអាមេរិកកំពុងតែពិចារណាទីតាំងចំនួនពីរ សម្រាប់ធ្វើជាកន្លែងលោក ជូបជាមួយ​លោក គីម ជុងអ៊ុននៅដើមខែមិថុនាខាងមុខនេះ។​

តាមបណ្តាញសង្គម Twitter របស់លោក ត្រាំ ឲ្យដឹងថា ទីតាំងពីរនោះ គឺប្រទេសសិង្ហបុរី និង​នៅតំបន់គ្មានយោធា ឬហៅផ្ទះសន្តិភាពនៅចន្លោះព្រំដែននៃប្រទេសកូរ៉េទាំងពីរ។​

លោកត្រាំ គ្រាន់តែបង្ហើបឡើងដោយមិនសម្រេចយកទីតាំងណាមួយនៅឡើយ ប៉ុន្តែលោក ហាក់មានការផ្តោត​ច្រើនលើទីតាំងតំបន់គ្មានយោធានៃប្រទេសកូរ៉េ។​

បើនិយាយពីប្រទេសសិង្ហបុរីវិញ លោកលី សៀន ឡុង នាយករដ្ឋមន្ត្រីសិង្ហបុរីថ្លែងថា រហូត ដល់ពេលនេះ រដ្ឋាភិបាលរបស់លោក មិនទាន់ទទួលបានសំណើជាផ្លូវការណាមួយពីដ្ឋាភិបាលកូរ៉េខាងជើង ឬ រដ្ឋាភិបាលអាមេរិកនោះទេ៕​