មន្ត្រីជាន់ខ្ពស់យោធាវៀតណាមចំនួនពីររូបបន្ថែមទៀត ត្រូវបានចោទប្រកាន់ ហើយឃុំខ្លួន នៅក្នុងផ្ទះដោយសង្ស័យថា ជាប់ពាក់ព័ន្ធអំពើពុករលួយ និងការរំលោភបំពានអំណាចរដ្ឋ។
ឧត្តមសេនីយ៍ Bui Van Tiep អតីតមេបញ្ជាការនៅកងទ័ពអាកាស ត្រូវបានតុលាការដាក់ឲ្យ ស្ថិតនៅក្រោមការឃុំខ្លួននៅក្នុងផ្ទះ ដើម្បីស៊ើបអង្កេតករណីពុករលួយនិង រំលោភអំណាច ដែលកំហុសនេះកើតមាននៅក្នុងក្រុមហ៊ុនមួយរបស់រដ្ឋស្ថិតនៅក្រោមការគ្រប់គ្រងរបស់ក្រសួងការពារជាតិ។
ចំណែកមន្ត្រីជាន់ខ្ពស់ផ្នែកយោធាមួយទៀតលោកឧត្តមសេនីយ៍ Phung Danh Tham ជាអ្នកគ្រប់គ្រងក្រុមហ៊ុន Thai Son Group ត្រូវបានចោទប្រកាន់ពីការធ្វេសប្រហែសក្នុងតួនាទី និងការបំពានជាញឹកញាប់នាំឲ្យប៉ះពាល់ដល់ប្រយោជន៍ជាតិ។
ទោះយ៉ាងណា កំហុសនៃការចោទប្រកាន់នេះ អាជ្ញាធរវៀតណាមមិនបានផ្សព្វផ្សាយជា សាធារណៈនោះទេ។ មួយរយៈនេះ ទាំងមន្ត្រីស៊ីវិល និងមន្ត្រីយោធាផងនោះ ត្រូវបានចោទ ប្រកាន់ជាបន្តបន្ទាប់ថា ពាក់ព័ន្ធពុករលួយនិងរំលោភអំណាចរដ្ឋ៕