លោកនាយករដ្ឋមន្ដ្រី ហ៊ុន សែន បានជំរុញទៅបណ្ដាប្រទេសជាសមាជិកនៃគណៈកម្មការទន្លេមេគង្គ ឲ្យដោះស្រាយបញ្ហាប្រឈមមួយចំនួននៅតាមដងទន្លេមេគង្គ ដោយថា ដើម្បីប្រយោជន៍ និងសុខមាលភាពប្រជាពលរដ្ឋនៅតាមបណ្ដាលោកនាយករដ្ឋមន្ដ្រី ហ៊ុន សែន បានជំរុញទៅបណ្ដាប្រទេសជាសមាជិកនៃគណៈកម្មការទន្លេមេគង្គ ឲ្យដោះស្រាយបញ្ហាប្រឈមមួយចំនួននៅតាមដងទន្លេមេគង្គ ដោយថា ដើម្បីប្រយោជន៍ និងសុខមាលភាពប្រជាពលរដ្ឋនៅតាមបណ្ដាប្រទេសទាំងនោះ។ប្រទេសទាំងនោះ។
លោក ហ៊ុន សែន ថ្លែងបែបនេះនៅក្នុងកិច្ចប្រជុំកំពូលនៃគណៈកម្មការទន្លេមេគង្គលើកទី៣ នៅព្រឹកថ្ងៃនេះ ខណៈដែលក្រុមមេដឹកនាំនៃបណ្ដាប្រទេសតាមដងទន្លេមេគង្គបានជួបប្រជុំគ្នានៅខេត្តសៀមរាប។
មេដឹកនាំកម្ពុជា មានប្រសាសន៍ថា ទន្លេមេគង្គជាប្រភពនៃជីវិត និងផលប្រយោជន៍ដល់ប្រជាពលរដ្ឋនៅតាមដងទន្លេមេគង្គដ៍យូរអង្វែង ប៉ុន្ដែ អាងទន្លេមួយនេះ បន្ដជួបបញ្ហាប្រទះនូវបញ្ហាប្រឈមមួយចំនួន ដូចជា កំណើនប្រជាជន ការអភិវឌ្ឍន៍ និងសន្ដិសុខទឹក ស្បៀង និងថាមពល ដែលធ្វើឲ្យប៉ះពាល់ដល់ការស់នៅរបស់ពលរដ្ឋ នៅតាមដងទន្លេមេគង្គ។
លោកបានស្នើទៅប្រទេសជាសមាជិក នៃគណៈកម្មការទន្លេមេគង្គ ឲ្យដោះស្រាយបញ្ហាប្រឈមទាំងនោះ ដើម្បីផលប្រយោជន៍របស់ប្រជាពលរដ្ឋនៅក្នុងតំបន់ ខណៈដែលលោកបានជំរុញឲ្យពង្រឹងសមត្ថភាពធនធានមនុស្ស និងស្ថាប័នផងដែរ ដើម្បីធ្វើការរួមគ្នាមានប្រសិទ្ធិភាព៕
លោកក៏បានជម្រុញឲ្យគ្រប់គ្រងបរិស្ថាន និងកាកសំណាល ដោះស្រាយផលប៉ះពាល់បរិស្ថានដែលកើតចេញពីការប្រែប្រួលអាកាសធាតុ ការបំពុលទឹកទន្លេ រួមទាំងការគ្រប់គ្រងគម្រោងនានា ដែលមានផលប៉ះពាល់ដល់ចីរភាពអាងទន្លេមេគង្គ និងជីវចម្រុះផងដែរ៕