បេក្ខភាពប្រធានាធិបតីបារាំង លោកស្រី Le Pen ដែលលទ្ធផលបឋមបង្ហាញថា ចាញ់ការបោះឆ្នោតកាលពីម្សិលមិញនោះ គឺលោកស្រី បង្ហាញពីការធ្វើកំណែទម្រង់គោលនយោបាយបក្សឲ្យកាន់តែមានប្រជាប្រិយភាព។
លទ្ធផលនៃការបោះឆ្នោតជ្រើសរើសប្រធានាធិបតីបារាំងកាលពីថ្ងៃអាទិត្យម្សិលមិញ បង្ហាញថា លោក Macron ជាអ្នកនយោបាយនិយមកណ្តាល ទទួលបានការគាំទ្រជាង ៦០% ចំណែកលោកស្រី Le Pen អ្នកនយោបាយស្តាំនិយមជ្រុល ទទួលបានការគាំទ្រតែ ជាង៣០%ប៉ុណ្ណោះ។
ក្រោយការបង្ហាញលទ្ធផលបណ្ណោះអាសន្ន លោកស្រី Le Pen បានផ្ញើសារអបអរសាទរលោក Macron ដែលទទួលបានជ័យជម្នះ។ នេះបើតាមទីភ្នាក់ងារព័ត៌មាន AFP។
ទន្ទឹមនឹងការប្រកាសអបអរគូប្រកួត ក៏ដូចជាការទទួលស្គាល់លទ្ធផលនេះ លោកស្រី Le Pen ក៏បានលើកឡើងថា គណបក្ស រណសិរ្យជាតិរបស់លោកស្រី ត្រូវមានការធ្វើកំណែទម្រង់គោលនយោបាយដើម្បីប្រកួតប្រជែងនៅពេលក្រោយៗទៀត៕