កូរ៉េខាងជើងកាលពីថ្ងៃអាទិត្យម្សិលមិញបានបាញ់មីស៊ីលឆ្លងទ្វីបចូលទៅក្នុងសមុទ្រ បានបង្ហាញពីការគំរាមជាថ្មីដល់រដ្ឋាភិបាលថ្មីលោក ដូណល ត្រាំ ចំពោះការប្តេជ្ញាថា គាំទ្រជប៉ុន១០០% ដល់សម្ព័ន្ធមិត្តជប៉ុនមិនឲ្យមានការគំរាមកំហែងពីកូរ៉េខាងជើង។
នាយករដ្ឋមន្ត្រីជប៉ុន លោក ហ្ស៊ីនហ្សួ អាបេ ថ្លែង នៅក្នុងសន្និសីទសារព័ត៌មាននៅក្នុងរដ្ឋហ្វ័ររីដា សហរដ្ឋអាមេរិកថា ការបាញ់មីស៊ីលដែលធ្វើឡើងដោយកូរ៉េខាងជើងគឺគំរាមកំហែងសន្តិសុខ និងរំខានដល់ជប៉ុន។
មន្ត្រីកូរ៉េខាងត្បូងបានបញ្ជាក់នៅព្រឹកថ្ងៃចន្ទនេះថា កូរ៉េខាងជើងបានបាញ់សាកល្បងអាវុធមីស៊ីលឆ្លងទ្វីបចូលសមុទ្រជាប្រភេទមីស៊ីល Musudan។ មីស៊ីល Musudanនោះ អាចបាញ់ក្នុងចម្ងាយ២៥០០ ទៅ៤០០០គីឡូម៉ែដែលគំរាមកំហែងដល់ជប៉ុន និង មូលដ្ឋានទ័ពអាមេរិកនៅ Guam។
មីស៊ីលនោះបានបាញ់ឡើងនៅម៉ោងប្រមាណ៧:៥៥ ព្រឹក ម៉ោងនៅក្នុងប្រទេសសិង្ហបុរី ដែលបាញ់ចេញពីមូលដ្ឋានទ័ពអាកាសខេត្តភាគខាងលិចខេត្ត Pyongan គឺបាញ់ចូលសមុទ្រជប៉ុន ឬ ហៅសមុទ្រខាងកើត៕