ពលរដ្ឋខ្មែរ៣០នាក់ឆ្លងដែនខុសច្បាប់ត្រូវបញ្ជូនមកប្រទេសកំណើតវិញ

អ្នកនាំ​ពាក្យ​ក្រសួង​ការ​បរទេស លោក ជុំ សុន្ទរី ថ្លែងទៅកាន់អ្នក​សារព័ត៌មាននៅរសៀលថ្ងៃព្រហស្បតិ៍នេះ

តំណាងទូតកម្ពុជាប្រចាំប្រទេសចំនួន៣ នៅរយៈពេល២ខែចុងក្រោយនេះ បានជួយអន្តរាគមន៍ និងបញ្ជូន ពលរដ្ឋខ្មែរខុសច្បាប់ចំនួន៣០នាក់ ដែលភាគច្រើនជាកុមារបានមកកាន់ប្រទេសកម្ពុជាវិញ ។

តំណាងទូតកម្ពុជាប្រចាំប្រទេសចំនួន៣ នៅរយៈពេល២ខែចុងក្រោយនេះ បានជួយអន្តរាគមន៍ និងបញ្ជូន ពលរដ្ឋខ្មែរខុសច្បាប់ចំនួន៣០នាក់ ដែលភាគច្រើនជាកុមារបានមកកាន់ប្រទេសកម្ពុជាវិញ ។

ក្នុងលិខិតចុះថ្ងៃទី១២ ខែមេសានេះ អ្នកនាំពាក្យក្រសួងការបរទេស លោក ជុំ សុន្ទរី បានឲ្យដឹងថា ស្ថានទូតកម្ពុជាប្រទេសម៉ាឡេស៊ីបានសហការជាមួយអាជ្ញាធរនៅទីនោះ បញ្ជូនពលរដ្ឋខ្មែរឆ្លងដែនខុស ច្បាប់ចំនួន១២នាក់មកកម្ពុជាវិញ ។

លិខិតដដែលនោះឲ្យដឹងទៀតថា ស្ថានទូតកម្ពុជាប្រចាំប្រទេសវៀតណាមក៏បានសហការជាមួយ អាជ្ញាធរវៀតណាម បញ្ជូនពលរដ្ឋ១៤នាក់ដែលទៅរកស៊ីខុសនៅប្រទេសនោះមកកម្ពុជាវិញផងដែរ ដោយក្នុង នោះមានកុមារ១១នាក់។

ចំណែកស្ថានទូតកម្ពុជាប្រចាំប្រទេសថៃ ក៏បានសហការជាមួយអាជ្ញាធរថៃ បញ្ជូនកុមារី៤នាក់មានអាយុពី៣ដល់ ១៣ឆ្នាំដែលរងគ្រោះដោយសារការជួញដូរបានត្រឡប់មកកម្ពុជាវិញកាលពីថ្ងៃទី២២មីនា៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។