គណៈកម្មាធិការបុណ្យសពលោក កែម ឡី និង សាច់ញាតិបានរៀបចំនិមន្តព្រះសង្ឃ ចំនួន៥០០អង្គ រាប់បាត្រនៅព្រឹកនេះ ដើម្បីឧទ្ទិសកុសល ដល់អ្នកវិភាគរូបនេះ ត្រូវនិងគម្រប់ ខួប៧ថ្ងៃនៃការបាញ់សម្លាប់។
អ្នកស្រាវជ្រាវ និង ជាអ្នកវិភាគល្បីឈ្មោះលោក កែម ឡី ត្រូវឃាតករបាញ់សម្លាប់កាលពី ព្រឹកថ្ងៃអាទិត្យទី១០ខែកក្កដា កន្លងទៅនេះ។ ចាប់ពីថ្ងៃស្លាប់រហូតដល់ ថ្ងៃសៅរ៍នេះ គឺជាគម្រប់ខួប៧ថ្ងៃ ហើយសាច់ញាតិ និង គណៈកម្មការរៀបចំពិធីបុណ្យតាមប្រពៃណី។
ក្នុងពិធិបុណ្យគម្រប់៧ថ្ងៃនេះ គណៈកម្មការបុណ្យរៀបចំនិមន្តព្រះសង្ឃ ៥០០អង្គ សម្រាប់ឲ្យសាច់ញាតិ និង អ្នកគោរពស្រលាញ់លោកកែម ឡី ចូលរួមរាប់បាត្រ។