ប្រជាពលរដ្ឋចូលរួមប្រជុំស្តីពីការអនុវត្តន៌ការងារគម្រោងពហុវិស័យសន្តិសុខស្បៀង និងអាហាររូបត្ថម្ភ

នៅព្រឹកថ្ងៃទី ១៧ ខែមីនា ឆ្នាំ ២០១៧ ក្រុមប្រជាពលរដ្ឋដែលជាអ្នកទ្រទ្រង់សុខភាពភូមិ ប្រជួបប្រជុំគ្នា ដើម្បីចែករំលែករបាយការណ៍ប្រចាំខែ នៃលទ្ធផលក្នុងការអនុវត្តន៌ការងារគម្រោងពហុវិស័យសន្តិសុខស្បៀង និងអាហាររូបត្ថម្ភជាមួយតំណាងម្ចាស់គម្រោង។ កិច្ចប្រជុំនេះធ្វើឡើងនៅសាលាឃុំទីពោ ស្រុកសន្ទុក ខេត្ត កំពង់ធំដោយមានតំណាងអង្គការ GIZ និងអង្គការRACHAចូលរួមផងដែរ។

ការអនុវត្តន៌ការងារគម្រោងពហុវិស័យសន្តិសុខស្បៀង និងអាហាររូបត្ថម្ភ ធ្វើឡើងដោយផ្តោតជាសំខាន់ទៅលើការអប់រំប្រជាពលរដ្ឋ អំពីអត្ថប្រយោជន៍នៃការបរិភោគបបរម្រំ របស់កុមារ ដែលមានអាយុចាប់ពី ៦ខែ ដល់ ២៣ខែ។ ក្រៅពីការអប់រំ ក៏មានផងដែរការចុះអនុវត្តធ្វើបបរម្រំផ្ទាល់ និងជូនដល់ក្រុមកុមារញាំនៅតាមភូមិផងដែរ។

ដោយពលរដ្ឋអ្នកសារព័ត៌មានខេត្តកំពង់ធំ លោក ជៀម វឿន