សាលាដំបូងរាជធានីភ្នំពេញនៅព្រឹកនេះបន្តដំណើរសវនាការធម្មតា លើករណីលោក កឹម សុខា បើទោះជាមិនមានវត្តមានជនជាប់ចោទនិងមេធាវីការពារក្តី។
នៅព្រឹកនេះលោក កឹម សុខា និងមេធាវី៤រូបរបស់លោកមិនចូលរួមក្នុងអង្គសវនាការទេ ដោយពួកគេលើកឡើងថាតុលាការធ្វើឡើងខុសនីតីវិធី។ ក្រុមមេធាវីការពារក្តីក៏បានដាក់ពាក្យសុំពន្យារពេលសវនាការ តែចៅក្រមមិនព្រមតាមសំណើនោះទេ។
ក្រុមមេធាវីគណបក្សសង្គ្រោះជាតិក៏បានដាក់ប្តឹងទៅសាលាឧទ្ធរណ៍សុំដូរចៅក្រមជំនុំជម្រះលោក កែវ មុន្នី ចេញដែរ ដោយសំអាងហេតុថាចៅក្រមរូបនោះរងការរិះគន់ច្រើននិងមិនអាចផ្តល់យុត្តិធម៌បាន។ ប៉ុន្តែបណ្តឹងនោះក៏ត្រូវសាលាឧទ្ធរណ៍ច្រានចោលដែរ៕