សកម្មជនដែលឈរទាមទារឲ្យទម្លាក់បទចោទប្រឆាំងលោក កឹម សុខា ហើយត្រូវបានសមត្ថកិច្ចចាប់ខ្លួននៅមុខសាលាដំបូងរាជធានីភ្នំពេញ ត្រូវបានដោះលែងវិញនៅរសៀលនេះ។
ព្រឹកមិញសកម្មជនឈ្មោះ អ៊ុំ តារា ត្រូវបានសមត្ថកិច្ចខណ្ឌមករាចាប់ខ្លួននៅម៉ោង៩ព្រឹក ខណៈលោកឈរតវ៉ា ជាមួយប្រជាពលរដ្ឋប្រមាណ១០០នាក់ផ្សេងទៀតនៅមុខតុលាការ ហើយស្រែកទាមទារឲ្យចៅក្រមទម្លាក់បទចោទប្រឆាំងលោក កឹម សុខា។
លោក អ៊ុំ តារា ត្រូវសមត្ថកិច្ចខណ្ឌ៧មករាដោះលែងឲ្យមានសេរីភាពនៅម៉ោងជិត៣រសៀលនេះ។ លោក តារា បញ្ជាក់ថា សមត្ថកិច្ចតម្រូវឲ្យលោកចុះកិច្ចសន្យាមួយចំនួន តែលោកមិនព្រមចុះកិច្ចសន្យាជាមួយទេ៕