អគ្គនាយកដ្ឋានពន្ធដារ អំពាវនាវឲ្យម្ចាស់មធ្យោបាយដឹកជញ្ជូនដែលមិនទាន់បានបង់ពន្ធសម្រាប់ឆ្នាំ២០១៦នេះ ប្រញាប់បង់ពន្ធ ខណៈកាលបរិច្ឆេទនៃការបង់ពន្ធ នឹងត្រូវបិទបញ្ចប់នៅថ្ងៃទី៣០ខែវិច្ឆិកាខាងមុខនេះ។
តាមសេចក្តីប្រកាសរបស់អគ្គនាយកដ្ឋានពន្ធដារចុះថ្ងៃទី១៨ខែវិច្ឆិកា បានលើកឡើងថា ម្ចាស់មធ្យោបាយដឹកជញ្ជូនជាច្រើនបានទៅបង់ពន្ធរួចហើយ គឺនៅសល់តែមួយចំនួនតូចទៀតប៉ុណ្ណោះដែលមិនទាន់បានទៅបង់ពន្ធ។
ទន្ទឹមនឹងនេះ អគ្គនាយកដ្ឋានពន្ធដារ ក៏បានអំពាវនាវឲ្យម្ចាស់យានយន្តដែលមិនទាន់បានបង់ពន្ធប្រដាប់ទៅបង់ឲ្យបានត្រឹមថ្ងៃទី៣០វិច្ឆិកាខាងមុខនេះ។
តាមសេចក្តីជូនដំណឹងនេះ បានបញ្ជាក់ទៀតថា ក្រោយថ្ងៃបិទបញ្ចប់នៃការបង់ពន្ធ នគរបាលចរាចរណ៍នឹងត្រួតពិនិត្យពីការបង់ពន្ធនៅតាមផ្លូវនានា។
