អ្នកនាំពាក្យគណបក្សសង្គ្រោះជាតិថា ករណីតុលាការកោះហៅសកម្មជន CNRP នៅខេត្តតាកែវនិងការឃាត់ខ្លួនសកម្មជន CNRP នៅខេត្តពោធិ៍សាត់ជាការគំរាមកំហែងផ្នែកនយោបាយ ដោយថារឿងទាំងនោះអាចសម្របសម្រួលគ្នាក្រៅប្រព័ន្ធតុលាការ។
កាលពីថ្ងៃទី២៥ឧសភាឆ្នាំ២០១៧ តំណាងអយ្យការអមសាលាដំបូងខេត្តតាកែវ លោក ទេព មុនិន្ទ បានចេញដីកាកោះហៅសកម្មជនគណបក្សសង្គ្រោះជាតិចំនួន៥រូបបន្ទាប់ពីសកម្មជន ទាំងនោះទាស់ពាក្យសម្តីគ្នាជាមួយសកម្មជនគណបក្សប្រជាជនថ្ងៃឃោសនាបោះឆ្នោតលើក ដំបូង។លុះដល់នៅថ្ងៃទី២៧សកម្មជនគណបក្សសង្គ្រោះជាតិខេត្តពោធិ៍សាត់ម្នាក់ទៀតត្រូវសមត្ថ កិច្ចខេត្តនេះឃាត់ខ្លួនពាក់ព័ន្ធរឿងគ្រោះថ្នាក់ចរណ៍។
អ្នកនាំពាក្យគណបក្សសង្គ្រោះ លោក យឹម សុវណ្ណ ចាត់ទុករណីនេះថាជារឿងនយោបាយ។
លោកបន្ថែម «នេះជារឿងនយោបាយសុទ្ធសាទ ព្រោះរឿងទាំងអស់នោះ សុទ្ធតែអាចសម្រប សម្រួលបាន ប៉ុន្តែបែរជាធ្វើរបៀបគៀបសង្កត់ យកឡេះដោយគ្រាន់តែគ្នាមានកំហុសចរាចរ ណ៍សោះទៅឲ្យតុលាការកាត់ទោសដាកព័ន្ធធនាគារអីណា នេះសុទ្ធតែរឿងគំរាមកំហែង ហើយបើរឿងកើតឡើងចំពោះមន្រ្តីគណបក្សប្រជាជនវិញមិនដែលឃើញយកមកធ្វើបែបនេះទេ។ រឿងនេះជាការគំរាមកំហែងធ្ងន់ធ្ងរណាស់ដល់ម្ចាស់ឆ្នោតដោយគ្មានអ្នកណាហានធ្វើអីគេទេ ប៉ុន្តែសម្រាប់សកម្មជនគណបក្សសង្គ្រោះជាតិគ្រាន់កើតរឿងបន្តិចបន្ទួចចង់បង្កឲ្យទៅជា រឿងធំដោយចោទបំប៉ោងរឿងដោយមិនសម្រប់សម្រួលអីសោះ»។
អ្នកនាំពាក្យគណបក្សប្រជាជនកម្ពុជាលោក សុខ ឥសាន មានប្រសាសន៍ថា ការលើកឡើង របស់អ្នកនាំគណបក្សសង្គ្រោះជាតិនេះគឺទស្សនៈផ្ទាល់ខ្លួនដោយលោកថា គណបក្សប្រជាជន កម្ពុជាមិនបានប្រើប្រព័ន្ធតុលាការគៀបសង្កេតសង្កត់បក្សប្រឆាំងនោះទេ។
លោកបន្ថែមថា «ខ្ញុំយល់ថាអ្វីដែលបក្សពាក់ព័ន្ធ នឹងសមត្ថកិច្ចក្នុងពេលបោះឆ្នោតហ្នឹងសមត្ថ កិច្ចរបស់គជបអាហ្នឹងគជបជាអ្នកដោះស្រាយប៉ុន្តែក្នុងករណីផ្សេងទៀតក្រៅពីសមត្ថកិច្ច គជប អាហ្នឹងគេត្រូវប្តឹងទៅតុលាការហើយៗតុលាការមាននីតិវិធីទៅតាមសមត្ថកិច្ចរបស់ខ្លួន យើងមិនអាចទៅចោទប្រកាន់ថាគណបក្សកាន់អំណាចហ្នឹងយកតុលាការទៅគៀបសង្កត់អីដល់បង ប្អូនបក្សប្រឆាំងហ្នឹងមិនមែនទេ ប្រសិនណាយើងប្តឹងខុសនីតិវិធីក៍តុលាការគេមិនទទួលចាត់ ការលើរឿងក្តីហ្នឹងដែរ»។
នាយកប្រតិបត្តិអង្គការនិចហ្វិចលោក សំ គន្ធាមី យល់ថា ករណីនេះអាចជាការគំរាមកំហែង ដោយថា ប្រសិនបើទំនាស់ក្នុងរឿងបោះឆ្នោះគួរតែគជបជាអ្នកដោះស្រាយ មិនគួរណាទៅ ដល់ដៃតុលាការឡើយ។
លោកបន្ថែមថា «រឿងនេះវាអាជាការគំរាមកំហែងដែរព្រោះវាពាក់ព័ន្ធនឹងបណ្តឹងអាជ្ញាហើយ ខ្ញុំ មើលពាក្យបណ្តឹងហ្នឹងទៅតុលាការទាល់តែករណីព្រហ្មទណ្ឌបើគ្រាន់តែរឿងឃោសនាពាក់ ព័ន្ធរឿងបោះឆ្នោតវាគួរតែគជបជាអ្នកដោះស្រាយ ហើយតាមពិតរឿងហ្នឹងមិនធំប៉ុន្មានទេ ហើយគ្រោះថ្នាក់ចរាចរណ៍តិចតួចហ្នឹងមិនគួរប្តឹងទៅដល់តុលាការទេព្រោះអីវាស្ថិតក្នុងបរិយា កាសឃោសនាបោះឆ្នោតកុំឲ្យវាល្អកកកច្រើន»។
សកម្មជន CNRP ទាំង៥នាក់នៅខេត្តតាកែវដែលតុលាការកោះហៅនោះគឺឈ្មោះ លោក កែវ អ៊ាត ជាបេក្ខជនមេឃុំ ព្រៃខ្លា ស្រុកកោះអណ្តែតខេត្តតាកែវ និងសកម្មជន៤រូបផ្សេងទៀតគឺលោក ជុន ជឿន លោក ម៉ម សារឿន លោក សុខ សាង និងលោក ហែម កាន ដោយឲ្យចូលបំភ្លឺនៅតុលាការនាថ្ងៃទី ៣១ ខែឧសភាពោលមុនថ្ងៃបោះឆ្នោត។
បើតាមដីកាកោះ អ្នកទាំងនេះត្រូវចូលបំភ្លឺទាក់ទងនឹងដំណើររឿង «បរិហារកេរ្តិ៍ជាសាធារណៈជេរប្រមាថជាសាសារណៈ និងញុះញង់ឲ្យប្រព្រឹត្តបទឧក្រិដ្ឋ» ប៉ុន្តែដីកានោះមិន បានញ្ជាក់ឈ្មោះអ្នកប្តឹងនោះទេ។
លោក កែវ អ៊ាត ជាបេក្ខជនមេឃុំ របស់គណបក្សសង្រ្គោះជាតិ ឲ្យដឹងថា ទំទាស់រវាងពួកគាត់និងមន្រ្តីគណបក្សប្រជាជនកម្ពុជា កាលពីឃោសនាបោះឆ្នោតលើដំបូងនោះមិនមានអ្វីធ្ងន់ធរនោះទេ ដោយគ្រាន់តែប៉ះពាល់ពាក្យសម្តី គ្នាប៉ុណោះ។
ចំណែកប្រធានគណបក្សសង្រ្គោះជាតិប្រចាំខេត្តពោធិ៍សាត់ លោក យ៉ាន់ សេងហ៊ត ត្រូវបានសមត្ថកិច្ចឃាត់ខ្លួនក្នុងករណីបង្កគ្រោះថ្នាក់ចរាចរណ៍មួយ ដែលបណ្តាលឲ្យ កុមារាវ័យ៦ឆ្នាំម្នាក់រងរបួស ខណៈពេលដែលលោកត្រឡប់មកពីឃោសនាបោះឆ្នោត៕