ចរន្តអគ្គិសនីបានដាច់មួយរយៈពេលខ្លី ខណៈលោកនាយករដ្ឋមន្រ្តី ហ៊ុន សែន កំពុងថ្លែងនៅវិមានសន្តិភាព នាព្រឹកនេះ។ នេះជាការឲ្យដឹងពីរដ្ឋមន្រ្តីក្រសួងព័ត៌មាន។
លោក ខៀវ កាញារីទ្ធ បានសរសេរលើទំព័រហ្វេសប៊ុករបស់លោកថា «ដាច់ភ្លើងមួយដង្ហើមចង្រិត ពេលនាយករដ្ឋមន្រ្តីកំពុងអានសុន្ទរកថា»។ រដ្ឋមន្រ្តីក្រសួងព័ត៌មានរូបនេះ បានដកស្រង់ប្រសាសន៍របស់លោក ហ៊ុន សែន ថា «នេះជាការរំលឹកយើងឲ្យគិតដល់កន្លែងដែលអត់ភ្លើង និងឧស្សាហ៍ដាច់ភ្លើងផង»។
លោកនាយករដ្ឋមន្ត្រី ហ៊ុន សែន បានសម្ពោធដាក់អោយប្រើប្រាស់ជាផ្លូវការនូវ ក្របខណ្ឌគោលនយោបាយជាតិគាំពារសង្គម ២០១៦-២០២៥ នៅព្រឹកថ្ងៃទី២៤ ខែកក្កដានេះ៕
