សត្វព្រៃ៣០ប្រភេទត្រូវបានរកឃើញនៅខេត្តភាគខាងជើងកម្ពុជា

សត្វព្រៃនៅខេត្តភាគខាងជើងកម្ពុជា (FB: WCS Cambodia)

ថនិកសត្វមានមាឌធំចំនួន៣០ប្រភេទ កំពុងតែមានវត្តមាន រស់នៅក្នុងដែនជម្រកសត្វព្រៃឆែបនៃតំបន់ខ្ពង់រាបភាគខាងជើងប្រទេសកម្ពុជា។

ថនិកសត្វមានមាឌធំចំនួន៣០ប្រភេទ កំពុងតែមានវត្តមាន រស់នៅក្នុងដែនជម្រកសត្វព្រៃឆែបនៃតំបន់ខ្ពង់រាបភាគខាងជើងប្រទេសកម្ពុជា។ នេះបើតាមការសិក្សាស្រាវជ្រាវថ្មីមួយរៀបចំឡើងដោយក្រុម អ្នកជំនាញមកពីសាកលវិទ្យាល័យក្យូតូ ប្រទេសជប៉ុន និងអង្គការអភិរក្សសត្វព្រៃ (WCS)។

ជីវចម្រុះថតជាប់នៅក្នុងម៉ាស៊ីនថតរូបស្វ័យប្រវត្តិបង្ហាញថា «ដែនជម្រកសត្វព្រៃឆែបដែលជាផ្នែកមួយនៃបណ្តុំព្រៃល្បោះធំជាងគេ និងតភ្ជាប់គ្នា នៅក្នុងតំបន់ខ្ពង់រាបភាគខាងជើង ពិតជាមានសារៈសំខាន់ខ្លាំងណាស់ សម្រាប់ការអភិរក្សប្រភេទថនិកសត្វទាំងអស់នេះ»។

អង្គការ WCS ថាខ្លួនកំពុងធ្វើការរួមគ្នាជាមួយក្រសួងបរិស្ថាន និងរដ្ឋបាលព្រៃឈើ ដើម្បីថែរក្សា និងការពារព្រៃឈើ និងសត្វព្រៃនៅក្នុងតំបន់ខ្ពង់រាបភាគ ខាងជើងចាប់តាំងពីឆ្នាំ១៩៩៩មក និងទទួលបានជោគជ័យក្នុងការកាត់ បន្ថយការបាត់បង់ព្រៃឈើ ការការពារសត្វព្រៃ និងការលើកស្ទួយជីវភាពរស់នៅរបស់សហគមន៍៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។