ក្រសួងធនធានទឹក និងឧតុនិយម បានព្រមានពលរដ្ឋអំពីខ្យល់កន្ត្រាក់ និងផ្គររន្ទះចាប់ពីថ្ងៃនេះរហូតដល់សប្ដាហ៍ទី១នៃខែក្រោយ ដោយថា កម្ពុជានឹងទទួលរងប្រព័ន្ធសម្ពាធទាប។
ក្នុងសេចក្ដីប្រកាសព័ត៌មានកាលពីថ្ងៃម្សិលមិញនេះ ក្រសួងធនធានទឹក និងឧតុនិយម បានឲ្យដឹងថា ប្រទេសកម្ពុជានឹងទទួលរងទឹកភ្លៀងធ្លាក់ចាប់ពីថ្ងៃនេះ រហូតដល់ថ្ងៃទី៨ ខែមិថុនាខាងមុខ។
ក្រសួងបានជំរុញពលរដ្ឋឲ្យប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ ដោយអះអាងថា បាតុភូតទាំងនេះ នៅតែបន្តមានឥទ្ធិពលខ្លាំងអំឡុងពេលដែលកម្ពុជាទទួលរងប្រព័ន្ធសម្ពាធទាបនេះ៕
