យោងតាមដីកាបង្គាប់ឲ្យចាប់ខ្លួនរបស់ព្រះរាជអាជ្ញារង ខាំ សុផារី ចុះថ្ងៃទី២៦ ខែមិថុនា ឆ្នាំ២០១៨ បានបង្គាប់ឲ្យចាប់ខ្លួនពិរុទ្ធជនឈ្មោះ ហ៊ាង លីហាក់ ភេទប្រុស អាយុ៤៣ឆ្នាំ សញ្ជាតិខ្មែរ មុខរបរខាងសារព័ត៌មាន។
លោក ហ៊ាង លីហាក់ មានស្រុកកំណើតនៅភូមិថ្នល់ជាតិ ឃុំបារាយណ៍ ស្រុកបារាយណ៍ ខេត្តកំពង់ធំ ខណៈបុរសនេះកំពុងរស់នៅក្នុងភូមិកំពង់ចិនត្បូង ឃុំកំពង់ចិនត្បូង ស្រុកស្ទោង ខេត្តកំពង់ធំ នេះបើតាមដីកា។
ដីកាបង្គាប់ដដែល បញ្ជាក់ថា លោក ហ៊ាង លីហាក់ មានទោសពីបទឆបោក ប្រព្រឹត្តនៅរាជធានីភ្នំពេញ ខេត្តកំពង់ធំ និងខេត្តសៀមរាប កាលពីខែកក្កដាឆ្នាំ២០១២ គឺបទល្មើសព្រហ្មទណ្ឌដែលមានចែងឲ្យផ្តន្ទាទោសតាមបញ្ញតិ្តមាត្រា៣៧៧និងមាត្រា៣៧៨នៃក្រហ្មព្រហ្មទណ្ឌ។
បើតាមការចុះផ្សាយរបស់សារព័ត៌មានក្នុងស្រុក លោក ហ៊ាង លីហាក់ គឺជាអ្នកយកព័ត៌មានឲ្យទូរទស្សន៍ប៉ុស្តិ៍លេខ៥ ប្រចាំខេត្តកំពង់ធំ។
តាមដីកានេះ ក៏បង្គាប់ឲ្យប្រធានពន្ធនាគារ (ម១) ឃុំខ្លួនពិរុទ្ធជនឈ្មោះ ហ៊ាង លីហាក់នេះផងដែរ។ ដីការរបស់ព្រះរាជអាជ្ញារង ខាំ សុផារី ឲ្យដឹងថាលោក ហ៊ាង លីហាក់ ធ្លាប់ជាប់ពន្ធធនាគារ (ម១)៕
