អតីតមន្ត្រីជាន់ខ្ពស់គណបក្សហ៊្វុនស៊ិនប៉ិច លោក លឺ ឡាយស្រេង ដែលពេលនេះកំពុងភៀសខ្លួននៅក្រៅប្រទេស បានរិះគន់ធ្ងន់ៗទៅលើគណបក្សហ្វ៊ុនស៊ិនប៉ិច ថារមឹលគុណដោយមិនបានរៀបចំធ្វើពិធីរំលឹកព្រឹត្តិការណ៍បង្ហូរឈាម ថ្ងៃ៥-៦ កក្កដា ឆ្នាំ១៩៩៧។
លោក លឺ ឡាយស្រេង បានថ្លែងក្នុងវីដេអូដែលចែកចាយនៅលើបណ្ដាញសង្គមហ្វេសប៊ុកនៅថ្ងៃនេះយ៉ាងដូច្នេះថា៖
អតីតមន្ត្រីជាន់ខ្ពស់គណបក្សហ៊្វុនស៊ិនប៉ិច លោក លឺ ឡាយស្រេង
រហូតមកដល់រសៀល វីអូឌី មិនទាន់អាចទទួលបានការឆ្លើយតបពីអ្នកនាំពាក្យគណបក្សហ្វ៊ុនស៊ិនប៉ិច លោក ញ៉េប ប៊ុនជិន បានទេ។
អស់រយៈពេល២១ឆ្នាំហើយ ចាប់តាំងពីមានព្រឹត្តិការណ៍ឆ្នាំ១៩៩៧ ដែលជាការបង្ហូរឈាមរវាងអ្នកគាំទ្រនាយករដ្ឋមន្ត្រីទី២ លោក ហ៊ុន សែន និងអ្នកគាំទ្រនាយករដ្ឋមន្ត្រីទី១ សម្តេចក្រុមព្រះ នរោត្តមរណឫទ្ធិ។ ព្រឹត្តិការណ៍នេះហើយដែលបានទម្លាក់ សម្តេចក្រុមព្រះចេញពីអំណាច ហើយបណ្ដាលឲ្យមានអ្នកស្លាប់ និងរបួសជាច្រើននាក់ ភាគច្រើនមកពីគណបក្សហ៊្វុនស៊ិនប៉ិច។
ព្រឹត្តិការណ៍នេះត្រូវបាន លោក ថូម៉ាស់ ហែមម៉ាប៊ើគ (Thomas Hammarberg) តំណាងពិសេសអង្គការសហប្រជាជាតិ ទទួលបន្ទុកសិទ្ធិមនុស្សប្រចាំនៅកម្ពុជា បានហៅថាជា “រដ្ឋប្រហារ” ដែលបានបណ្ដាលឲ្យមនុស្សជាច្រើនរយនាក់ស្លាប់ និងរងរបួស។ ប៉ុន្តែរដ្ឋាភិបាលតែងតែច្រានចោលនូវការចោទប្រកាន់ថា ព្រឹត្តិការណ៍ថ្ងៃទី ៥-៦ កក្កដា ឆ្នាំ១៩៩៧ គឺជាអំពើរដ្ឋប្រហារ។
