លោកនាយករដ្ឋមន្រ្តី ហ៊ុន សែន បានអះអាងថាមានគណបក្សប្រជាជនកម្ពុជាទើបប្រាសាទព្រះវិហារស្ថិតស្ថេរគង់វង្សនិងក្លាយជាសម្បត្តិបេតិកភណ្ឌពិភពលោក។
លោកនាយករដ្ឋមន្រ្តី ហ៊ុន សែន អះអាងបែបនេះនៅក្នុងអំឡុង ពិធីរំលឹកខួប១០ ឆ្នាំនៃការដាក់ប្រាសាទព្រះវិហារ និងខួបមួយឆ្នាំ នៃការដាក់ប្រាសាទសំបូរព្រៃគុហ៍ជាសម្បត្តិបេតិកភណ្ឌពិភពលោក ដែលនឹងប្រព្រឹត្តិទៅនៅស្តាតអូឡាំពិកនា រសៀលថ្ងៃទី ១៥ ខែ កក្ដដា នេះ។
លោកនាយករដ្ឋមន្រ្តី ហ៊ុន សែន ក៏បានលើកឡើងអះអាងថា៖
បន្ថែមលើនោះលោកនាយករដ្ឋមន្រ្តីកាន់អំណាចចាស់វស្សាវរូបនោះ ក៏បានបន្តអំពាវនាវឲ្យពលរដ្ឋបោះឆ្នោតគាំទ្រ ដោយថាក្រោមការដឹកនាំរបស់គណបក្សខ្លួន ធ្វើឲ្យកម្ពុជាកាន់តែរឹងមាំ និងកាន់តែរីកចម្រើន ជាពិសេស គឺការការពារ និងថែរក្សាសម្បត្តិមរតកវប្បធម៌ ដែលជាអត្តសញ្ញាណជាតិ អោយបានគង់វង្ស។
ទោះបីជាយ៉ាងណាក៏នាយករដ្ឋមន្រ្តីរូបនោះក៏បានរំលឹកដែរថាប្រទេស កម្ពុជាបានឈ្នះក្តី “ប្រាសាទព្រះវិហារ” លើប្រទេសថៃ នៅតុលាការអន្តរជាតិក្រុងឡាអេ គឺតាំងពីថ្ងៃទី១៥ ខែមិថុនា ឆ្នាំ ១៩៦២ មកម៉្លេះ។
គួរបញ្ជាក់ថា ប្រាសាទព្រះវិហារត្រូវបានដាក់បញ្ជូល នៅក្នុងបញ្ជីបេតិកភណ្ឌពិភពលោកកាលពី ថ្ងៃទី ៧ ខែ កក្កដា ២០០៨ និងចំណែកឯប្រាសាទសំបូរព្រៃគុហ៍វិញត្រូវបានដាក់បញ្ជូលសម្បត្តិបេតិកភណ្ឌ ពិភពលោក កាលពីថ្ងៃទី ៨ ខែកក្កដា ២០១៧។