រដ្ឋសភាកម្ពុជាក្នុងអាណត្តិទី៥នេះ បានអនុម័តច្បាប់ចំនួនជាង១០០ ដែលស្ថាប័ននេះអះអាងថាសម្រាប់បម្រើជាប្រយោជន៍ដល់សង្គមជាតិ។
យោងតាមការចុះផ្សាយរបស់ទីភ្នាក់ងារសារព័ត៌មាន AKP ចេញផ្សាយកាលពីថ្ងៃទី១៥ ខែ កក្កដានេះ រដ្ឋសភាកម្ពុជា បានអនុម័តច្បាប់បានចំនួន១០៩ក្នុងរយៈពេល៥ឆ្នាំនេះ។
តាមប្រភពដដែលនេះ នៅក្នុងរយៈពេល៥ឆ្នាំនេះ រដ្ឋសភាបានបើកកិច្ចប្រជំុគណៈអចិន្រ្ដៃយ៍ចំនួន៩៧លើក ប្រជំុពេញអង្គ ៦៥លើក និងប្រជំុវិសាមញចំនួន១១លើក ។
រដ្ឋសភាមាននាទីជាតំណាងឲ្យប្រជាពលរដ្ឋ ជាអ្នកធ្វើច្បាប់ និងជាអ្នកបង្កើត និងរំលាយរាជរដ្ឋាភិបាល ជាអ្នកតាមដានការអនុវត្តច្បាប់របស់រាជរដ្ឋាភិបាល ដែលមានអាណត្តិរយៈពេល៥ឆ្នាំ ដែលកើតចេញពីការបោះឆ្នោតជាសកល។
