សាលារាជធានីភ្នំពេញ បានអំពាវនាវឲ្យប្រជាពលរដ្ឋរក្សាទុកដាក់សំរាមឲ្យបានត្រឹមត្រូវតាមទីតាំងរបស់ខ្លួនចាប់ពីថ្ងៃទី២៨ ដល់ថ្ងៃទី៣០ ខែកក្កដា។
យោងតាមសេចក្ដីប្រកាសព័ត៌មានរបស់រដ្ឋបាលរាជធានីភ្នំពេញ ចេញផ្សាយកាលពីថ្ងៃ១៩ ខែកក្កដា កម្មករ-កម្មការិនីរបស់ក្រុមហ៊ុនស៊ីនទ្រី ដែលបម្រើការងារសម្អាត និងដឹកជញ្ជូនសំរាមក្នុងរាជធានីភ្នំពេញ ត្រូវបានឈប់សម្រាក៣ថ្ងៃ ចាប់ពីថ្ងៃទី២៨ ដល់ថ្ងៃទី៣០ ខែកក្កដា ដើម្បីធ្វើដំណើរទៅបោះឆ្នោតនៅតាមបណ្ដាខេត្តនានា។
ប្រភពដដែលក៏បានបញ្ជាក់ថា នៅក្នុងអំឡុងពេល៣ថ្ងៃ នៃការឈប់សម្រាកនេះ ការផ្ដល់សេវាសម្អាត ប្រមូល និងដឹកជញ្ជូនសំរាមក្នុងរាជធានីភ្នំពេញមិនបានពេញលេញឡើយ ពីព្រោះនៅសល់តែកម្មករ កម្មការិនីបម្រើការងារតាមការស្ម័គ្រចិត្តប៉ុណ្ណោះ។