គណៈកម្មាធិការជាតិរៀបចំការបោះឆ្នោត (គ.ជ.ប) នឹងផ្អាកដំណើរការគេហទំព័ររបស់ខ្លួនចំនួនពីរជាបណ្តោះអាសន្នចាប់ពីវេលាម៉ោង៣រសៀល រហូតដល់ម៉ោង ៩យប់នៅថ្ងៃនេះ ។
សេចក្តីជូនដំណឹងរបស់ គ.ជ.ប ដែលចេញផ្សាយនៅថ្ងៃនេះបានឲ្យដឹងថា មន្ត្រីបច្ចេកទេសនៃនាយកដ្ឋានគ្រប់គ្រងទិន្នន័យអ្នកបោះឆ្នោតនិងបញ្ជីបោះឆ្នោត នឹងផ្អាកដំណើរការផ្សាយ គេហទំព័រស្វែងរកឈ្មោះ និងទីតាំងការិយាល័យអ្នកបោះឆ្នោត ដែលមានអាសយដ្ឋាន www.voterlist.org.kh និងគេហទំព័រផ្សាយលទ្ធផលសំឡេងឆ្នោត សម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៦ ឆ្នាំ២០១៨ ដែលមានអាសយដ្ឋាន rms.voterlist.org.kh បណ្តោះអាសន្នសិន ដើម្បីធ្វើការថែទាំ និងត្រួតពិនិត្យលើម៉ាស៊ីនមេ (server) ។
តាមសេចក្តីជូនដំណឹងដដែល គេហទំព័រទាំងពីរខាងលើនឹងផ្អាកដំណើរការម្តងទៀតរយៈពេលមួយសប្តាហ៍ដោយសារម៉ាស៊ីនមេ (server) ត្រូវការរុះរើពីទីតាំងចាស់ ទៅតម្លើងនៅអាគារស្តីការថ្មីរបស់ គ.ជ.ប។
