គណបក្សរាជានិយមហ៊្វុនស៊ិនប៉ិចបានបញ្ជប់តួនាទីអនុប្រធានបក្សចំនួន៣នាក់នេះ និងតែងតាំងទៅជាសមាជិកក្រុមប្រឹក្សាបក្សវិញ។
សេចក្តីសម្រេចដែល VOD ទើបទទួលបាននៅថ្ងៃនេះ ប្រធានគណក្សហ៊្វុនស៊ិនប៉ិច សម្តេចក្រុមព្រះ នរោត្តម រណឫទ្ធិ កាលពីថ្ងៃទី៨ សីហា ២០១៨ បានបញ្ចប់តំណែងអនុប្រធានបក្សចំនួនបីរូបរួមមាន លោក យូ ហុកគ្រី លោក ប៉ោ ប៊ុនស៊្រឺ និងលោក ញ៉េប ប៊ុនជិន ដោយតែងតាំងទៅជាសមាជិកក្រុមប្រឹក្សាព្រឹទ្ធាចារ្យជំនួសវិញ។
សេចក្តីសម្រេចរបស់គណក្សហ៊្វុនស៊ិនប៉ិចដដែលនេះក៏បានបញ្ចប់តំណែង លោក វ៉ាន់ សុផាន់ណា ពីអគ្គលេខាធិការរងប្រតិបត្តិបក្សផងដែរ។
ការបញ្ចប់តំណែងនេះធ្វើឡើងដំណាលគ្នានឹងការតែងតាំងបុត្រាច្បងសម្តេចក្រុមព្រះ នរោត្តម រណឫទ្ធិ គឺព្រះអង្គម្ចាស់ នរោត្តម ចក្រាវុឌ្ឍ ជាប្រធានបក្សស្តីទី ដោយសារតែសម្ដេចក្រុមព្រះកំពុងសម្រាកព្យាបាលជំងឺ៕