នៅពេលដែលប្រជាពលរដ្ឋធ្វើដំណើរក្បែរបឹងធំមួយ នៅភាគខាងលិច ឈាងខាងជើងនៃរាជធានីភ្នំពេញ ពួកគេនឹងបានឃើញ ពពុះទឹកពណ៌សហោះអណ្តែតពាសពេញផ្ទៃអាកាសប្រៀបដូចជាព្រិលធ្លាក់នារដូវត្រជាក់។
ពពុះទឹកពណ៌សនោះ ហោះចេញពីបឹងតាមោកឬបឹងទំនប់កប់ស្រូវ ដែលជាបឹងធម្មជាតិមួយ ស្ថិតនៅក្នុង ខណ្ឌព្រែកព្នៅ ប៉ុន្តែបានប្រែក្លាយទៅជាបឹងស្តុកទឹកស្អុយ ដែលបង្ហូរចេញពីទីក្រុងភ្នំពេញ។
នៅបរិវេណដែលបង្ហូរទឹកចេញមកនេះមានការកើតពពុះអណ្ដែតយ៉ាងច្រើន ហើយនៅតាមកៀនបឹងត្រង់ចំណុចដែលបង្ហូរទឹកចូលមកក៏មានពពុះជាផ្ទាំងធំៗអណ្ដែតតាមច្រាំងនៃបឹង រីឯកំប្លោរដែលដុះនៅតាមកៀនៗបឹងបានប្រែក្លាយជាខ្មៅស្រអាប់ ហើយងាប់ដោយសារទឹកសម្អុយនេះ។
ប្រជាពលរដ្ឋដែលរស់នៅប៉ែកខាងកើតនៃបឹងមួយនេះ បាននឹងកំពុងទទួលរងនូវផលរប៉ះពាល់យ៉ាងខ្លាំង ដោយសារតែពពុះទឹកនេះ។ពួកគេបានត្អូញត្អែរថាពពុះទឹកមិនត្រឹមតែមានក្អិនស្អុយនោះទេ តែវាបង្កបញ្ហាដល់សុខភាព ហើយជាពិសេសធ្វើឲ្យប៉ះពាល់ដល់ការធ្វើអាជីវកម្មរបស់គាត់ផងដែរ។
អាជីវករលក់បាយម្នាក់ អ្នកស្រី សំណាង បានប្រាប់វីអូឌីឲ្យដឹងថា ក្លិនពពុះទឹកនេះស្អុយខ្លាំងណាស់។ រាល់ថ្ងៃគាត់ប្រឈមនឹងបញ្ហាដីហុយ ហើយ ប្រឈមនឹងក្លិននេះទៀត ហើយពពុះទឹកបង្កជារមាស់។ ចំណែកការលក់បាយរបស់អ្នកស្រីវិញមានការធ្លាក់ចុះពីមួយថ្ងៃទៅមួយថ្ងៃ។
អ្នកស្រី សំណាង បាននិយាយទាំងទឹកមុខស្រពាប់ស្រពោនថា៖
អាជីវករលក់បាយម្នាក់ អ្នកស្រី សំណាង
ម្ចាស់យានដ្ឋាន អ្នកស្រី អេង លាង បាននិយាយថានៅពេលពពុះនេះហើរមកម្ដងៗ ក្រុមគ្រួសារអ្នកស្រីតែងតែរត់ចូលទៅក្នុងផ្ទះឲ្យផុត ពីព្រោះទ្រាំនឹងក្លិនស្អុយរបស់ពពុះទឹកនោះមិនបាន។ ហើយម្យ៉ាងវិញទៀត អ្នកស្រីបារម្ភពីបញ្ហាសុខភាពដែលបង្កឡើងដោយពពុះទឹកស្អុយ។
ម្ចាស់យានដ្ឋានមួយកន្លែង អ្នកស្រី អេង
ការអភិវឌ្ឍសំណង់អចលទ្រព្យ និងកំណើនប្រជាជននៅក្នុងទីក្រុងភ្នំពេញធ្វើឲ្យតម្រូវការប្រើប្រាស់ប្រចាំថ្ងៃកើនឡើងហើយការបង្ហូរទឹកសម្អុយដែលកើតចេញពីការប្រើប្រាស់មានបរិមាណកាន់តែច្រើនឡើងៗ។
ប្រធានអង្គភាពលូទឹក នៃមន្ទីរសាធារណការ និងដឹកជញ្ជូន ក្រុងភ្នំពេញ លោក ដួង ចាន់សារ៉ាត់ បានប្រាប់វី.អូ.ឌី តាមទូរសព្ទឲ្យដឹងថា បរិមាណពពុះទឹកសម្អុយទាំងនេះកើនឡើងដោយសារតែកំណើនសំណង់គេហដ្ឋាន និងកំណើនប្រជាជនដែលប្រើប្រាស់ទឹកមានចំនួនច្រើនដែលធ្វើឲ្យការបញ្ចេញទឹកសម្អុយទៅកាន់បឹងមានការកើនឡើង ដែលបង្កើតបានជាពពុះទឹកជាច្រើនពីមួយឆ្នាំទៅមួយឆ្នាំ។
ប្រធានអង្គភាពលូទឹក នៃមន្ទីរសាធារណការ និងដឹកជញ្ជូន ក្រុងភ្នំពេញ លោក ដួង ចាន់សារ៉ាត់
អ្នកនាំពាក្យសាលារាជធានីភ្នំពេញ លោក ម៉េត មាសភក្ដី បានប្រាប់វី.អូ.ឌីតាមទូរសព្ទឲ្យដឹងថា បញ្ហាទឹកជំនន់ និងទឹកភ្លៀង ក៏ជាមូលហេតុដែលបង្កើតឲ្យមានពពុះទឹកសម្អុយនេះច្រើនដែរ ពីព្រោះទឹកភ្លៀងដែលកើតមាននៅទីក្រុងភ្នំពេញច្រើន ហើយត្រូវមានការបង្ហូរចេញដោយសារតែការពារការលិចលង់នៅក្នុងទីក្រុង។
អ្នកនាំពាក្យសាលារាជធានីភ្នំពេញ លោក ម៉េត មាសភក្ដី
អ្នកស្រីម៉ៃ អាយុប្រមាណ៦០ឆ្នាំ ជាកសិកររស់នៅភូមិក្បែរនោះបានរំលឹកឲ្យដឹងថា កាលពីមុនបឹងនេះបានផ្ដល់ផលប្រយោជន៍ដល់ប្រជាជនក្រីក្រជាច្រើន ដោយពួកគាត់ អាចនេសាទត្រីដើម្បីចិញ្ចឹមជីវិត ប៉ុន្ដែចាប់តាំងពីបង្ហូរទឹកស្អុយនេះចូលបឹងមក ប្រជាជនមិនអាចរកត្រីបានទៀតនោះទេ។
អ្នកស្រីម៉ៃ អាយុប្រមាណ៦០ឆ្នាំ ជាកសិកររស់នៅភូមិក្បែរនោះ
លោក ចាន់សារ៉ាត់ បានប្រាប់វី.អូ.ឌីថា កាលពីប្រមាណ១០ឆ្នាំមុន ទំនប់នេះមិនមានការបង្ហូរចូលនូវទឹកសម្អុយនេះនៅឡើយទេ ប៉ុន្ដែប្រមាណ៥ឆ្នាំចុងក្រោយនេះ ទើបមានការបង្ហូរទឹកសម្អុយនេះចូលទៅ ហើយមានបរិមាណកាន់តែច្រើនពីមួយឆ្នាំទៅមួយឆ្នាំដោយសារតែកំណើនប្រជាជនរស់នៅតំបន់នោះ និងការបង្ហូរចេញពីរាជធានីភ្នំពេញ។
ប្រធានអង្គភាពលូទឹក នៃមន្ទីរសាធារណការ និងដឹកជញ្ជូន ក្រុងភ្នំពេញ លោក ដួង ចាន់សារ៉ាត់
អ្នកស្រី លាង ក៏ដូចជាប្រជាពលរដ្ឋរស់នៅក្បែរបឹងតាមោកបានលើកឡើងដូចគ្នាថា ពួកគាត់ចង់ឲ្យអាជ្ញាធរមានវិធានទប់ស្កាត់ពពុះទឹកស្អុយនេះ ហើយសំណូមពរឲ្យមានការបង្ហូរទឹកពេលយប់ដោយសារតែទ្រាំទ្រនឹងក្លិនរបស់ពពុះទឹកមិនបាន។
អ្នកស្រី លាង បឹងតាមោកឬបឹងទំនប់កប់ស្រូវ
លោក ចាន់សារ៉ាត់ បានបញ្ចាក់បន្ថែមថា នៅឆ្នាំ២០១៩ នឹងសម្រេចឲ្យបានចំពោះប្រព័ន្ធបង្ហូរទឹកចូលទៅក្នុងបឹងដោយតទុយោចូលឲ្យដល់បាតបឹងដើម្បីកាត់បន្ថយពពុះដែលកើតចេញពីការបង្ហូរទឹកចូលទៅស្ថានីយនេះទៀត។
ប្រធានអង្គភាពលូទឹក នៃមន្ទីរសាធារណការ និងដឹកជញ្ជូន ក្រុងភ្នំពេញ លោក ដួង ចាន់សារ៉ាត់
កាលពីដើមខែកុម្ភៈឆ្នាំ២០១៦ រដ្ឋាភិបាលកម្ពុជាបានចេញអនុក្រឹត្យស្ដីពីការកំណត់ផ្ទៃបឹងតាមោកជាសម្បតិ្តរបស់រដ្ឋដែលមានផ្ទៃដីសរុបប្រមាណ ៣២៣៩ហិកតា។ បច្ចុប្បន្នស្ថានីយបង្ហូរទឹកនេះមានចំនួន២ស្ថានីយ គឺស្ថានីយទំនប់កប់ស្រូវ និងស្ថានីយទួលសំពៅ។