អង្គភាពប្រឆាំងអំពើពុករលួយ (ACU) បានវាយតម្លៃដំណើរការប្រឡងសញ្ញាបត្រមធ្យមសិក្សាទុតិយភូមិនៅឆ្នាំនេះ ថា មានសណ្ដាប់ធ្នាប់ និងរបៀបរៀបរយល្អ ហើយដំណើរការប្រឡងសំណេរវិញ គឺលទ្ធផលអាចទទួលយក។
យោងតាមសេចក្តីប្រកាសព័ត៌មានចេញផ្សាយនៅថ្ងៃនេះ អង្គភាពប្រឆាំងអំពើពុករលួយវាយតម្លៃថា ដំណើរការប្រឡងបាក់ឌុបនាសម័យប្រឡងថ្ងៃទី២០សីហាកន្លងទៅថ្មីៗនេះបានប្រព្រឹត្តទៅដោយរលូន គោរពច្បាប់ យុត្ដិធម៌ និងមានតម្លាភាព។
បើតាមសេចក្ដីប្រកាសព័ត៌មាន អង្គភាពប្រឆាំងអំពើពុករលួយអះអាងថា ខ្លួនបានដាក់អ្នកសង្កេតការណ៍ជាង៥ពាន់នាក់ ដើម្បីសង្កេតការណ៍នៅតាមមណ្ឌលចំនួន ១៩៦ទូទាំងប្រទេស។ អង្គភាពប្រឆាំងអំពើពុករលួយថា នេះជាឆ្នាំទី៥ លើកទី៦ហើយ ដែលអង្គភាពនេះបានសហការជាមួយក្រសួងអប់រំ និងចូលរួមសង្កេតការណ៍លើដំ ណើរការប្រឡងសញ្ញាបត្របាក់ឌុប។