នៅប៉ុន្មានឆ្នាំចុងក្រោយនេះ សកម្មជនដីធ្លី មន្រ្តីការពារសិទ្ធិមនុស្ស អ្នកវិភាគសង្គម អ្នកនយោបាយ និងសកម្មជននយោបាយមួយចំនួន ត្រូវបានចាប់ដាក់ពន្ធនាគារជាបន្តបន្ទាប់ ដោយចោទប្រកាន់លើបទល្មើសផ្សេងៗគ្នា។
មានអ្នកខ្វះត្រូវបានផ្តន្ទាទោសដាក់ពន្ធនាគារជាងមួយឆ្នាំ ហើយអ្នកខ្លះទៀតត្រូវបានផ្តន្ទាទោសររហូតដល់ទៅ២០ឆ្នាំ។ បន្ទាប់ពីឃុំខ្លួនជាច្រើនឆ្នាំ សកម្មជនមួយចំនួនត្រូវបានលើកលែងទោសជាបន្តបន្ទាប់នៅក្នុងខែសីហា ឆ្នាំ២០១៨នេះ ដោយដោះលែងឲ្យមានសេរីពភាព និង ជួបជំគ្រួសារវិញ។
អំឡុងពេលជាប់ពន្ធនាគារ ពួកគាត់មានបញ្ហាសុខភាពដោយកើតរមាស់ កង្វះអាហារ និងជាពិសេសបន្ទប់ឃុំឃាំងក្នុងពន្ធធនាគារតូចចង្អៀត ដែលធ្វើឲ្យពួកគាត់ពិកបាកក្នុងការរស់នៅ។
អ្នកឃ្លាំមើលបញ្ហសង្គម និង នយោបាយ លោក គឹម សុខ ត្រូវបានសាលាដំបូងរាជធានីភ្នំពេញ សម្រេចផ្ដន្ទាទោសឲ្យជាប់ពន្ធនាគារយៈពេល១៨ខែ ពីបទញុះញង់ឲ្យប្រព្រឹត្ដនូវបទឧក្រិដជាអាដ និងបរិហាកេរ្ដិ៍ជាសាធារណៈតាមបណ្ដឹងរបស់លោកនាយករដ្ឋមន្ដ្រី ហ៊ុន សែន ហើយ ត្រូវបានតុលាការដោះលែងឲ្យមានសេរីភាពវិញនាព្រឹកថ្ងៃទី១៧ ខែសីហានេះ បន្ទាប់ពីលោកបានអនុវត្តទោសរួចរាល់តាមសាលក្រមរបស់តុលាការ។
លោក គឹម សុខ បានមានប្រសាសន៍នៅក្នុងកម្មវិធីចែករំលែកជាមួយ វីអូឌីកាលពីថ្ងៃទី២៤ខែសីហាឆ្នាំ២០១៨ ឲ្យដឹងថា លោកជាប់ឃុំនៅក្នុងបន្ទប់តូចមួយមានអ្នកទោសចន្លោះ២០ ទៅ៣០នាក់ នៅក្នុងពន្ធនាគារព្រៃស (ម១) ហើយរូបលោក មានបញ្ហាកង្វះទឹកស្អាតប្រើប្រាស់។ ហើយរាល់ពេលប្រើប្រាស់បន្ទប់ទឹកនៅក្នុងពន្ធធនាគារត្រូវបានកំណត់រយៈពេល ៥នាទីក្នុងមួយនាក់។ ទឹកដែលប្រើប្រាស់មានតែ២ ទៅ៥ បោយតែប៉ុណ្ណោះសម្រាប់ងូតទឹក និងមួយថ្ងៃងូតទឹកតែម្ដងប៉ុណ្ណោះ។ លោកបានលើកឡើងថាពេលនរណាម្នាក់ប្រើប្រាស់បន្ទប់ទឹកហួសពេលកំណត់នោះ ប្រធានអនាម័យនឹងដាក់ពិន័យ។
អ្នកឃ្លាំមើលបញ្ហសង្គម និង នយោបាយ លោក គឹម សុខ
លោក គឹម សុខបាននិយាយថា មន្ត្រីពន្ធនាគារតាមដានលោកគ្រប់ពេល ហើយអ្វីដែលលោកនិយាយមន្ត្រីទាំងនោះបានកាត់ត្រាទុកគ្រប់ពាក្យ។ សំរាប់អ្នកដែលមានភាពស្និទ្ធស្នាលជាមួយលោកគឺប្រធានបន្ទប់នីមួយៗគាបសង្កត់ពួកគេបន្ដបន្ទាប់ទៅតាមឋានៈរៀងៗខ្លួន។ មន្ត្រីទាំងនោះតែងតែធ្វើបាបអ្នកដែលបន្តភាពស្និទ្ធស្នាលជាមួយលោក ប៉ុន្ដែពួកគេមិនវាយធ្វើបាបរូបលោកទេ។
អ្នកឃ្លាំមើលបញ្ហសង្គម និង នយោបាយ លោក គឹម សុខ
ក្នុងនោះដែរលោក គឹម សុខ បានបន្ថែមទៀតថា ម្ហូបអាហាររនៅក្នុងពន្ធនាគារគឺមិនអាចហូបបានទេ ហើយត្រីវិញគឺឆ្អាបតែម្ដង ប៉ុន្ដែប៉ុន្មានខែមុនដែលលោកចេញពីពន្ធធនាគារ គឺម្ហូបអាហារប្រសើរជាងមុនបន្ដិច។
អ្នកឃ្លាំមើលបញ្ហសង្គម និង នយោបាយ លោក គឹម សុខ
សកម្មជនដីធ្លីនៅតំបន់បឹងកក់ អ្នកស្រី ទេព វន្នី ជាសកម្មជនម្នាក់ដែលធ្លាប់ជាប់ពន្ធនាគារបួនដង ដែលជាប់ពាក់ព័ន្ធការតវ៉ាទាមទាដីធ្លីសំរាប់សហគមន៍របស់អ្នកស្រី។ នៅលើកទីបួននេះអ្នកស្រី ត្រូវបានតុលាការក្រុងភ្នំពេញកាត់ទោសឲ្យជាប់ពន្ធនាគាររយៈពេល២ឆ្នាំកន្លះដែលពាក់ព័ន្ធនឹងការចោទប្រកាន់ថាបានប្រព្រឹត្តិអំពើហឹង្សាទៅល់សន្ដិសុខខណ្ឌដូនពេញនៅក្បែរផ្ទះលោកនាយករដ្ឋមន្ដ្រីកាលពីឆ្នាំ២០១៣។
អ្នកស្រី ទេព វន្នី បាននិយាយក្នុងកម្មវីធីតុមូល វីអូឌី កាលពីថ្ងៃ២១ ខែសីហា ឆ្នាំ២០១៨ ឲ្យដឹងថាការរស់នៅក្នុងមណ្ឌលអប់រំកែប្រែទី២ (ម២) អ្នកស្រីបានជួបបញ្ហាលំបាកជាច្រើន ដោយស្នាក់នៅក្នុងបន្ទប់ តូចចង្អៀតដែលមានទំហំប្រហែល ៦ម៉ែត្រ គុណ ១៧ម៉ែត្រ ហើយមានអ្នកទោសចន្លោះពី ១៣០ ទៅ ១៥០នាក់។ ការស្នាក់នៅក្នុងបន្ទប់តូចចង្អៀតបែបនេះ ធ្វើឲ្យមានការប៉ះពាក្យសម្ដីគ្នា ដោយសារតែការគេងប៉ះគ្នាទៅវិញទៅមក ហើយអ្នកស្រីមានការព្រួយបារម្ភចំពោះជម្ងឺឆ្លងផ្សេងៗផងដែរ។
សកម្មជនដីធ្លីនៅតំបន់បឹងកក់ អ្នកស្រី ទេព វន្នី
យុវជនមួយរូបទៀតត្រូវបានតុលាការចោទប្រកាន់ពីបទញុះញង់ឲ្យប្រព្រឹត្ដបទឧក្រិដជាអាថ៌ ដោយយុវជនរូបនេះបានធ្វើការអធិប្បាយនៅលើទំព័រហ្វេស ប៊ុក របស់ខ្លួនថាថ្ងៃណាមួយនៅពេលអនាគត យុវជនរូបនេះនឹងធ្វើបដិវដ្ដន៍ពណ៌ដើម្បីផ្លាស់ប្ដូររបបសង្គមខ្មែរ ហើយបើទោះបីជាត្រូវជាប់ពន្ធធនាគារឬស្លាប់នៅតែធ្វើដដែល។ លោក គង់ រៃយ៉ា ត្រូវបានតុលាការរាជធានីភ្នំពេញសម្រេចផ្ដន្ទទោសដាក់ពន្ធធនាគារយៈពេល ១៨ កាលពីខែមិនា ឆ្នាំ២០១៦។
លោក គង់ រៃយ៉ា បានលើកក្នុងកម្មវិធីតុមូល វីអូឌី កាលពីថ្ងៃ២១ ខែសីហា ឆ្នាំ២០១៨ ឲ្យដឹងថា អាហារនៅក្នុងពន្ធនាគារ មិនមានបរិមាណគ្រប់គ្រាន់នោះទេសំរាប់លោក ដោយបរិមាណម្ហូបអាហារ ត្រីសាច់មានចំនួនតិចតួច ហើយគ្មានអនាម័យទេសំរាប់អ្នកទោស។ លោក ក៏មានផលលំបាកក្នុងការប្រើប្រាស់ទឹក ដោយលោកត្រូវប្រើប្រាស់ទឹកកង្វក់ ដើម្បីងូតនឹងប្រើប្រាស់ក្នុងបង្គន់ ហើយយកទឹកស្អាតដើម្បីប្រើប្រាស់ក្នុងផ្ទះបាយ។ ការប្រើប្រាស់ទឹកមិនស្អាតនេះហើយទើបឲ្យលោកកើតជម្ងឺរមាស់និងអ្នកទោសដទៃទៀតកើតជម្ងឺរមាស់ ប៉ុន្ដែលោកបានព្យាបាលដោយខ្លួនឯងទាន់ពេលវេលា។
លោក គង់ រៃយ៉ា
អ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃ លោក សន កែវ បានច្រានចោលនូវការចោទប្រកាន់ដែលថា អ្នកជាប់ពន្ធនាគារកើតជំងឺផ្សេងដោសារកង្វះទឹកស្អាត។ លោកបានលើកឡើងថានៅក្នុងពន្ធនាគារមានអាហារគ្រប់គ្រាន់ និងមានអនាម័យសំរាប់អ្នកទោសបរិភាគ ព្រមទាំងមានការគោរពសិទ្ធិមនុស្ស។
អ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃ លោក សន កែវ
នៅក្នុងខែសីហាឆ្នាំ២០១៨នេះ សកម្មជនដីធ្លី និងសកម្មជននយោយបាយជិត២០នាក់ ត្រូវបានលើកលែងទោស ឲ្យមានសេរីភាព ប៉ុន្តែនៅបន្តឃុំខ្លួន លោក កឹម សុខា អតីតប្រធានគណបក្សសង្គ្រោះជាតិ។