ប្រទេសកម្ពុជា និងកាណាដា បានបន្តកិច្ចព្រមព្រៀងសម្របសម្រួលពាណិជ្ជកម្មជាមួយគ្នាបន្តទៀត បន្ទាប់ពីកិច្ចព្រមព្រៀងនេះបានបញ្ចប់កាលពីចុងខែមុន។
ក្នុងសេចក្ដីប្រកាសព័ត៌មានកាលពីម្សិលមិញក្រសួងពាណិជ្ជកម្មបានឲ្យដឹងថា ការឯកភាពនេះបានធ្វើឡើងក្នុងជំនួបរវាងរដ្ឋមន្ត្រីពាណិជ្ជកម្មកម្ពុជាលោក ប៉ាន សូរស័ក្កិ ជាមួយឯកអគ្គរាជទូតកាណាដាប្រចាំកម្ពុជាលោកស្រី ដូនីកា ប៉ូទី ដោយថាដើម្បីពង្រឹង និងពង្រីកកិច្ចសហប្រតិបត្តិការសេដ្ឋកិច្ច និងពាណិជ្ជកម្មទេ្វភាគី ដោយឈរមូលដ្ឋានឈ្នះ-ឈ្នះ ទាំងសងខាង។
បើតាមក្រសួងពាណិជ្ជកម្ម ទំហំពាណិជ្ជកម្មទ្វេភាគីរវាងកម្ពុជា និងកាណាដា ក្នុងឆ្នាំ២០១៧សម្រេចបានទឹកប្រាក់សរុប ១,០៤ពាន់លានដុល្លារអាមេរិក កើនជាង១១%បើធៀបនឹងឆ្នាំ២០១៦។ ក្នុងនោះកម្ពុជា នាំ ទៅកាន់កាណាដា មានចំនួន ១ពាន់លានដុល្លារអាមេរិក និងនាំចូលមានចំនួន ៤០លានដុល្លារអាមេរិក ដែលផលិតផលសក្ដានុពលនាំចេញរបស់កម្ពុជា រួមមាន៖ សំលៀកបំពាក់ ស្បែកជើង គ្រឿងបង្គំយានយន្ត គ្រឿងសង្ហារឹម ផ្លាស្ទីក ផលិតផលក្មេងលេង និងទំនិញកសិកម្ម។
