កំណើនសេដ្ឋកិច្ចចិនធ្លាក់ចុះរយៈពេល៦ខែឆ្នាំ២០១៩

របាយការណ៍របស់រដ្ឋាភិបាលចិនបង្ហាញថា អត្រាកំណើនសេដ្ឋកិច្ចនៅក្នុងត្រីមាសទី២ ឆ្នាំ២០១៩នេះ ធ្លាក់ចុះមួយកម្រិត។

របាយការណ៍រដ្ឋាភិបាលចិនបង្ហាញកាលពីថ្ងៃចន្ទម្សិលមិញ គឺអត្រាកំណើនសេដ្ឋកិច្ចប្រទេសនេះធ្លាក់ចុះ ៦,៤ មក ៦,២ភាគរយវិញ នៅក្នុងត្រីមាសទី២ នៃឆ្នាំ២០១៩នេះ។ របាយការណ៍សិក្សាបញ្ជាក់ថា ការធ្លាក់ចុះគឺមិនធ្លាប់មានក្នុងរយៈពេល២៧ឆ្នាំមកនេះ។​

អ្នកនាំពាក្យការិយាល័យស្ថិតិជាតិនៃរដ្ឋាភិបាលចិនថ្លែងប្រាប់អ្នកសារព័ត៌មានកាលពីម្សិលមិញថា ការធ្លាក់ចុះនេះដោយសារតែបញ្ហាបរិយាកាសខាងក្នុងមានភាពស្មុគស្មាញច្រើន។​

ជាច្រើនខែមកនេះ មន្ត្រីជាន់ខ្ពស់របស់សហរដ្ឋអាមេរិក និងចិន បានប្រឹងប្រែងក្នុងការចរចារកដំណោះស្រាយសង្គ្រាមពាណិជ្ជកម្ម​នៃប្រទេសទាំងពីរ ប៉ុន្តែ មិនទទួលបានដំណោះស្រាយទេ។​

ប្រធានាធិបតីអាមេរិក​ លោក ដូណាល់ ត្រាំ សរសេរនៅលើបណ្តាញសង្គម Twitter កាលពីម្សិលមិញថា សេដ្ឋកិច្ចចិនធ្លាក់ចុះនេះ ព្រោះក្រុមហ៊ុនរាប់ពាន់សម្រេចចិត្តដកខ្លួនចេញពីចិន ដោយសារតែអាមេរិកដាក់ទណ្ឌកម្មក្នុងការដំឡើងពន្ធ។​