ក្រសួងការបរទេស និងសហប្រតិបត្តិការអន្តរជាតិ បង្ហាញរបាយការណ៍ថា ក្នុងឆ្នាំ២០១៨ ក្រ សួងបានជួយសង្គ្រោះពលរដ្ឋនៅក្រៅប្រទេស ពិសេសពលករ-ពលការិនី ជិត១ម៉ឺននាក់ ដែលរងការរំលោភបំពាន។
របាយការណ៍ស្ដីពីសមិទ្ធផលរបស់ក្រសួងការបរទេស និងសហប្រតិបត្តិការអន្តរជាតិបង្ហាញថា ក្នុងឆ្នាំ ២០១៨ ក្រសួងជួយសង្គ្រោះពលករ-ពលការិនីខ្មែរនៅក្រៅប្រទេសបានចំនួន ៨៤៨៩នាក់។ ពលរដ្ឋខ្មែរទាំងនេះ ត្រូវបញ្ជូនមកប្រទេសកម្ពុជាវិញក្រោយជួយសង្គ្រោះ។
ទោះយ៉ាងណា ក្រសួងការបរទេសមិនបានបញ្ជាក់ថា ពលរដ្ឋខ្មែរទាំងនេះ រងការរំលោភបំពានដោយរបៀបណាខ្លះ? ហើយរងការរំលោភបំពាននៅប្រទេសណាច្រើនជាងគេនោះទេ?
របាយការណ៍ក្រសួងការងារបង្ហាញថា ពលរដ្ឋខ្មែរកំពុងធ្វើការងារនៅក្រៅប្រទេសមានជាង១លាន២សែននាក់ ក្នុងនោះធ្វើការងារនៅប្រទេសថៃច្រើនជាងគេគឺ មាន១លាន១សែននាក់ បន្ទាប់មកនៅកូរ៉េខាងត្បូង៥ម៉ឺននាក់ ម៉ាឡេស៊ីជាង៣ម៉ឺននាក់ និងជប៉ុនជិត១ម៉ឺននាក់។