មន្រ្តី អះអាងថា កម្មករ២នាក់បានស្លាប់ និងជាង៣០នាក់រងរបួសធ្ងន់ និងស្រាលក្នុងហេតុការណ៍គ្រោះថ្នាក់ចរាចរណ៍មួយក្នុងស្រុកស្វាយទាប ខេត្តស្វាយរៀង នៅព្រឹកនេះ។
អនុប្រធានមន្ទីរការងារខេត្តស្វាយរៀង លោក អ៊ូ សុឃឿន ប្រាប់ វី.អូ.ឌី ថា គ្រោះថ្នាក់ចរាចរណ៍នេះ កើតឡើងនៅចំណុច ភូមិកំពង់រទេះ ឃុំពពែត ស្រុកស្វាយទាប ខេត្តស្វាយរៀង។
អនុប្រធានមន្ទីរការងាររូបនេះ បញ្ជាក់ថា មូលហេតុនៃគ្រោះថ្នាក់ចរាចរណ៍នេះ គឺរថយន្តដឹកកម្មករនោះក្រឡាប់ខ្លួនឯង ដោយសារអ្នកបើកបរជាន់ហ្រ្វាំងខ្លាំងពេក។ លោក អ៊ូ សុឃឿន ឲ្យដឹងថា ក្រោយកើតហេតុ កម្មករ១៦នាក់ត្រូវបានបញ្ជូនទៅព្យាបាលមន្ទីរពេទ្យខេត្តស្វាយរៀង និងផ្សេងទៀតបញ្ជូនទៅសម្រាកព្យាបាលមន្ទីរពេទ្យបង្អែក ជីភូ ដែលនៅក្បែរនោះ៕