ព្រះមហាក្សត្រ និងព្រះមាតារបស់ទ្រង់ យាងចាកចេញពីប្រទេសកម្ពុជា ទៅកាន់ប្រទេសចិននៅព្រឹកថ្ងៃនេះ ដើម្បីពិនិត្យព្រះរាជសុខភាព។ នេះបើតាមទំព័រហ្វេសប៊ុកលោកនាយករដ្ឋមន្ត្រី ហ៊ុន សែន។
លោកនាយករដ្ឋមន្រ្តី ហ៊ុន សែន បានបង្ហោះលើទំព័រហ្វេសប៊ុករបស់លោកថា ព្រះមហាក្សត្រ សម្ដេចព្រះបរមនាថ នរោត្តម សីហមុនី និងសម្តេចម៉ែ ព្រះមហាក្សត្រីយ៍ នរោត្តម មុនីនាថ សីហនុ យាងទៅទីក្រុងប៉េកាំង ប្រទេសចិន ដើម្បីពិនិត្យព្រះរាជសុខភាព។
ដំណើរយាងទៅពិនិត្យព្រះរាជសុខភាពលើកនេះ គឺធ្វើតាមការណាត់ជួបរបស់ក្រុមគ្រូពេទ្យចិន ដែលព្រះមហាក្សត្រខ្មែរ និងសម្ដេចម៉ែ បានយាងទៅពិនិត្យសុខភាពនៅទីក្រុងប៉េកាំង ប្រទេសចិន កាលពីខែមីនាកន្លងទៅ៕
