អន្តរជាតិ

នគរបាលម៉ាឡេស៊ីរងការចាក់ដោយកាំបិតដោយសារហាមការជក់បារីជិតកន្លែងលក់ប្រេង

ដោយ វីអូឌី
| ២១ មេសា ២០១៧
ម៉ោង ១៤:១៥

នគរបាលម៉ាឡេស៊ីម្នាក់នៅរដ្ឋ Selangor ត្រូវរងរបួសដោយសារការចាក់និងកាំបិតចុងស្រួចនៅថ្ងៃព្រហស្បតិ៍ម្សិលមិញ បន្ទាប់ពីប្រាប់បុរសម្នាក់ថា កុំឲ្យជក់បារីនៅស្ថានីយ៍លក់ប្រេង។

អធិការនគរបាលនៅរដ្ឋ Selangor លោក Shafien Mamat ថ្លែងថា នគរបាលឈ្មោះ Azli Hashim អាយ៣២ឆ្នាំ រងរបួសនៅស្ថានីយ៍លក់សាំងមួយកន្លែង ហើយត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។ លោកថា ដំបូងឡើយជនរងគ្រោះបានប្រាប់បុរសម្នាក់កុំឲ្យជក់បារីនៅស្ថានីយ៍លក់ប្រេង ហើយបុរសនោះមិនស្តាប់ទេក៏ដើរចេញទៅ ហើយបន្ទាប់មកក៏យកអាវុធមុខស្រួចចាក់លើនគរបាល ហើយក៏ជិះម៉ូតូទៅបាត់។ នេះបើតាមសារព័ត៌មាន Channel News Asia។

អធិការនគរបាលរូបនោះបានឲ្យដឹងទៀតថា នគរបាលរងរបួសនោះ សម្រាកព្យាបាលនៅមន្ទីរពេទ្យ ហើយនគរបាលនៅអង្គភាពបើកការស៊ើបអង្កេតអ្នកបង្កតាមក្រមព្រហ្មទណ្ឌម៉ាឡេស៊ីមាត្រ៣២៤៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។