ប្រជាពលរដ្ឋកូរ៉េទាំងពីរកំពុងតែពេញនិយមធ្វើដំណើរទៅកាន់ទីតាំង ដែលមេដឹកនាំរបស់ពួកគេបានជួបគ្នាកាលពីថ្ងៃទី២៧ខែមេសា ដោយពួកគេសម្តែងកាយវិការដូចដែលមេដឹកនាំធ្វើនិងសម្តែងការចង់បានសន្តិភាព។
តាមវីឌីអូដែលBBC បានចុះផ្សាយបង្ហាញពីរូបភាពវីឌីអូដំបូងគឺកាយវិការនៃជំនួបរវាងលោកគីម ជុងអ៊ុន មេដឹកនាំកូរ៉េខាងជើងនិង លោក មូន ជែអ៊ីន មេដឹកនាំកូរ៉េខាងត្បូង កាលពីថ្ងៃទី២៧ខែមេសា។ មេដឹកនាំបានដើរសំដៅទៅរកគ្នាយ៉ាងស្វាហាប់ ហើយចាប់ដៃគ្នាទាំងទឹកមុខញញឹមញញែម រស់រាយរាក់ទាក់គ្នា ប៉ុន្តែនៅផ្នែកកណ្តាលនៃជើងរបស់ពួកគេខណ្ឌដោយរបារទាបមួយ។
មេដឹកនាំទាំងពីរបានកាន់ដៃគ្នាឆ្លងកាត់របារនោះទៅទីតាំងដែលខ្លួនបានឈរម្តងម្នាក់ហើយបានដើរទៅកាន់ទីតាំងកន្លែងពិភាក្សាការងារដែលផ្តោតលើសន្តិភាពនិងដោះស្រាយជម្លោះ រវាងប្រទេសបងប្អូនកូរ៉េទាំងពីរ។
វីឌីអូបន្ទាប់ដែលBBC ដាក់ភ្ជាប់គ្នានោះគឺប្រជាពលរដ្ឋទាំងកូរ៉េខាងជើងនិងកូរ៉េខាងត្បូង បានទៅទីតាំងនោះ ហើយពួកគេថតរូបអនុស្សាវរី៍យ៍មានគ្នា២ៗនាក់ ដោយធ្វើដំណើរ ទឹកមុខ និងការចាប់ដៃគ្នា ដូចសកម្មភាពរបស់លោក គីម ជុងអ៊ុន និង លោកមូន ជែអ៊ីនជួប ដូច្នោះដែរ។
អ្នកខ្លះទៅទីនោះបង្ហាញភាពសប្បាយរីករាយ ដោយពួកបង្ហាញក្តីសង្ឃឹមថា មេដឹកនាំទាំងពីរនឹងបន្តរក្សាសន្តិភាពបង្រួបបង្រួមជាតិ។ អ្នកខ្លះយកកូនរបស់ពួកគេតូចៗទៅថតនៅទីនោះ ហើយបង្ហាញក្តីសង្ឃឹមថា ពេលដែលកូនគេធំឡើងពេលនោះ កូរ៉េទាំងពីរនិងឈប់ឈ្លោះគ្នា ត្រូវរ៉ូវគ្នាវិញ។
អ្នកខ្លះទៀតទៅដល់ទីតាំងនោះ បង្ហាញទឹកមុខស្រងូតស្រងាត់ ដោយបញ្ជាក់ថា តាំងពីកូរ៉េបែងចែកជាពីរកាលពីឆ្នាំ១៩៥៣មក ពួកគេមិនដែលបានឆ្លងកាត់ព្រំដែនទៅលេងស្រុកកំណើត នៅក្នុងកូរ៉េម្ខាងទៀតនោះឡើយ។
កូរ៉េធ្លាប់ស្ថិតនៅក្រោមការគ្រប់គ្រងរបស់ជប៉ុន៣៥ឆ្នាំ ហើយបញ្ចប់នៅឆ្នាំ១៩៤៥ បន្ទាប់មកកូរ៉េត្រូវបានអាមេរិកនិងរុស្ស៊ី បែងចែកទីតាំងចំនួន២គ្រប់គ្រងដាច់ដោយឡែកពីរគ្នា។ រហូតដល់ឆ្នាំ១៩៥០ កូរ៉េទទួលបានឯករាជ្យ ក៏ផ្ទុះសង្គ្រាម៣ឆ្នាំបន្ទាប់មកទៀតកូរ៉េបែងចែកជាពីរដល់បច្ចុប្បន្ន។