សង្គម

ព័ត៌មានថ្មី៖ អ្នកវិភាគបញ្ហានយោបាយ លោក គឹម សុខ ត្រូវបានតុលាការដោះលែង

អ្នកវិភាគនយោបាយ លោក គឹម សុខ ត្រូវបានដោះលែងឲ្យមានសេរីភាពឡើងវិញ​ ក្រោយបាន​អនុវត្តន៍ទោស​ជាប់​ពន្ធនាគាររួចរាល់។

អ្នកច្បាប់និងមន្ត្រីសង្គមស៊ីវិលលើកឡើងកំហុសនីតិវិធីសំណុំរឿងលោក គឹម សុខ​

អ្នកច្បាប់និងមន្ត្រីអង្គការសង្គមស៊ីវិលដែលឃ្លាំមើលការរំលោភសិទ្ធិមនុស្សបានលើកឡើងពីចំណុចខុសប្រក្រតីនៃនីតិវិធី ក្នុងការបំបែកសំណុំរឿងមួយផ្សេងទៀតរបស់លោក គឹម សុខ។​

សមត្ថកិច្ច​ខេត្ត​ក្រចេះ​ពុំ​ទាន់​រក​ឃើញ​អ្នក​​សម្លាប់​អ្នក​ភូមិ​មួយ​គ្រួសារ​នៅ​ស្រុក​ចិត្របុរី​នៅ​ឡើយ

នគរបាលខេត្តក្រចេះ នៅតែមិនទាន់បំបែកសំណុំរឿងឃាតកម្មសម្លាប់មនុស្ស​មួយ​គ្រួសារនៅ​ស្រុក​ចិត្របុរី​បាននៅឡើយ ទោះបីជានគរបាលព្រហ្មទណ្ឌខេត្ត​នេះ បាន​ឃាត់ខ្លួនមនុស្ស ៥​នាក់​ មកសាកសួរក៏ដោយ។

ជនជាតិចិនប្រព្រឹត្តបទល្មើសច្រើនជាងគេនៅកម្ពុជា

របាយការណ៍ប្រចាំត្រីមាសទី២របស់នគរបាលជាតិ បានបង្ហាញថា ក្នុងចំណោមជនបរទេសដែលបានប្រព្រឹត្តបទល្មើសនៅកម្ពុជាគឺជនជាតិចិនមា​នចំនួនច្រើនជាងគេ។​
លោក ម៉ម សូណង់ដូ ប្រធាន​គណបក្ស​សំបុក​ឃ្មុំ​សង្គម​ប្រជាធិបតេយ្យ (រូបថត៖ ទេព សូនី)

ប្រធាន​បក្ស​សំបុក​ឃ្មុំពិចារណា​ដកខ្លួនពី​នយោបាយ​បន្ទាប់​ពី​ខក​ចិត្ត​នឹង​លទ្ធផល​ឆ្នោត

ប្រធាន​គណបក្សសំបុក​ឃ្មុំ​សង្គម​ប្រជា​ធិបតេយ្យថា ​លោក​នឹង​ពិចារណា​ដកឃ្លា​ពី​ឆាក​នយោបាយក​ម្ពុជា​បន្ទាប់​ពី​លោក​ខក​ចិត្តនឹង​លទ្ធ​ផល​បោះ​ឆ្នោត​​​ជ្រើស​តាំងតំណាង​រាស្ត្រអាណត្តិ​ទី​៦ឆ្នាំ​២០១៨នេះ។

ចិនសង្ឃឹមថាសហគម​ន៍អន្តរជាតិ​នឹងជួយកម្ពុជារៀបចំការបោះឆ្នោតឲ្យបាន​​ជោគជ័យ​​​

ចិន​ ​​បានស្នើឲ្យសហគមន៍អន្តរជាតិ​​ចូលរួមជាមួយកម្ពុជាក្នុងការរៀប​ចំការបោះឆ្នោតនាថ្ងៃអាទិត្យស្អែកនេះឲ្យបាន​​ជោគជ័យ​​។ អ្នកនាំពាក្យក្រសួងការបរទេសចិនលោក​Geng Shuang បានថ្លែងក្នុងសន្និសិទការសែត​ប្រចាំថ្ងៃដែលរៀបចំដោយក្រសួងការបរទេសប្រទេសនេះកាលពីម្សិលមិញ ថា ​ចិនសង្ឈឹម​ថា​សហ     គមន៍អន្តរជាតិ ​នឹងដើរតួនាទីចូលរួមជាអ្នក​ស្ថាបនា​ក្នុងការជួយកម្ពុជាឲ្យមានការបោះឆ្នោតមួយប្រកបដោយជោគជ័យ ដើម្បីឲ្យកម្ពុជាទទួលបាន​នូវបានការអភិវឌ្ឍបន្តទៀត។​ អ្នកនាំពាក្យក្រសួងការបរទេសចិន​រូបនេះក៏បញ្ជាក់ផងដែរថា​ចិនគាំទ្រដល់ពលរដ្ឋ​កម្ពុជាក្នុងការជ្រើសរើស​ផ្លូវ​អភិវឌ្ឍដែលសមស្របទៅតាមលក្ខខណ្ឌរបស់ជាតិ ហើយចិន​ក៏គាំទ្រ និងរង់ចាំមើលការបោះឆ្នោតដ៏ជោគជ័យផងដែរ​។ ថ្ងៃអាទិត្យស្អែកនេះ កម្ពុជា នឹងរៀបចំការបោះឆ្នោតជ្រើសតាំងតំណាងរាស្រ្តអាណត្តិ​ទី៦របស់ខ្លួន ដែល​មាន​គណបក្សចំនួន២០ចួលរួមប្រកួតប្រជែង។​

កងកម្លាំងជាង១០០០នាក់ចល័តទៅខេត្តកំពង់ស្ពឺ

កងរាជអាវុធហត្ថលើផ្ទៃប្រទេសចល័តកម្លាំងជាង១០០០នាក់ ពីរាជធានីភ្នំពេញនិងខេត្តកំពង់ឆ្នាំងទៅកាន់ខេត្តកំពង់ស្ពឺដោយថា ដើម្បីការពារសន្តិសុខសណ្តាប់ធ្នាប់ក្នុងការបោះឆ្នោត។​ តាមសេចក្តីប្រកាសព័ត៌មានរបស់កងរាជអាវុធហត្ថលើផ្ទៃប្រទេសចេញផ្សាយនៅថ្ងៃនេះឲ្យដឹងថា កម្លាំងចំនួន​១ ៣១៣នាក់ ត្រូវចល័តចេញពីសាលាកងរាជអាវុធហត្ថនៅភ្នំពេញ និងមជ្ឈមណ្ឌលហ្វឹកហ្វឺនភ្នំជំរាយខេត្តកំពង់ឆ្នាំងទៅកាន់ភូមិសាស្ត្រខេត្តកំពង់ស្ពឺ។​ តាមសេចក្តីប្រកាសឲ្យដឹងថា កងកម្លាំងទាំងនេះនឹងត្រឡប់ចូលអង្គភាពដើមវិញនៅថ្ងៃទី២៩ខែកក្កដា។​ មានការចល័តកម្លាំងជាបន្តបន្ទាប់មួយរយៈកាលចុងក្រោយនេះគឺ កាលពីថ្ងៃទី១២ ខែកក្កដាចល័តកម្លាំង៨០០នាក់ទៅស្វាយរៀង ចូល​រួម​ក្នុង​ពិធី​អបអរ​សាទរ​ខួប​អនុស្សាវរីយ៍​លើក​ទី​២៥​ ទិ​វា​រាជ​អា​វុធ​ហត្ថ​។ ថ្ងៃទី២១ ខែកក្កដា មានការចល័តកម្លាំង៨០០នាក់ពីភ្នំពេញទៅ កំពង់ឆ្នាំងចូលរួមបើកការដ្ឋានសាងសង់ទីលានបាញ់គ្រប់ពិត។​

ចិនស្នើទៅអាជ្ញាធរខេត្តព្រះសីហនុការពារសន្តិសុខអ្នកវិនិយោគចិន

ស្ថានទូតចិនប្រចាំនៅកម្ពុជា បានស្នើទៅអាជ្ញាធរខេត្តព្រះសីហនុឲ្យជួយការពារសន្តិសុខសុវត្ថិភាពដល់អ្នកវិនិយោគចិន ខណៈខេត្តមួយនេះត្រូវបានគេមើលឃើញថា កើតឡើងបទល្មើសច្រើនដែលបង្កដោយជនជាតិចិនកំពុងរស់នៅទីនោះ។

សកម្មជនបក្ស LDP ម្នាក់ត្រូវឃុំខ្លួនរងការចោទថាប្រើហិង្សាលើសកម្មជន CPP

សាលាដំបូងខេត្តស្វាយរៀងបានឃុំខ្លួនបណ្តោះអាសន្ន សមាជិកគណបក្សសម្ព័ន្ធដើម្បីប្រជាធិបតេយ្យ (LDP) ម្នាក់ពីបទហិង្សាដោយចេតនាក្រោយពីសមាជិករូបនោះរងការចោទថា ប្រើហិង្សាទៅលើសមាជិកគណបក្សប្រជាជនកម្ពុជា (CPP) ។

អ្នក​ភូមិ​នៅស្ទឹងត្រែងដែលរងផល​ប៉ះពាល់ពីទំនប់វារីអគ្គិសនីសេសានក្រោម២ ស្នើរដ្ឋាភិបាលកសាងហេដ្ឋារចនាស័ម្ពន្ធ

ជនជាតិដើមភាគតិចក្នុងខេត្តស្ទឹងត្រែង ដែលរងផលប៉ះពាល់ពីគម្រោងទំនប់វារីអគ្គិសនីសេសានក្រោម២ អំពាវនាវទៅអាជ្ញាធរ ជួយកសាងហេដ្ឋារចនាស័ម្ពន្ធក្នុងសហគមន៍ ខណៈអ្នកភូមិ៥២គ្រូសារទៀតកំពុងបន្តរស់នៅលើទីទួលសុវត្តិភាពដោយមិនព្រមទទួលយកសំណងគោលនយោបាយរបស់រដ្ឋាភិបាល។

កម្ពុជា​ចូលរួម​រំលែក​ទុក្ខ​ជប៉ុន​ក្រោយ​រង​គ្រោះ​ទឹក​ជំនន់​ដ៏​អាក្រក់​បំផុត

រដ្ឋាភិបាល​ និង​កាក​បាទ​ក្រហម​កម្ពុជា បាន​ផ្ញើ​សារ​រំលែក​ទុក្ខ​រដ្ឋាភិបាល​ជប៉ុន បន្ទាប់​ពី​ប្រទេស​ជួប​គ្រោះ​ទឹក​ជំនន់​ដ៏​អាក្រក់​មិន​ធ្លាប់​មាន ដែល​បាន​សម្លាប់​មនុស្ស​ជិត ២០០​នាក់ ខណៈ​រាប់​សិប​នាក់​ទៀត​កំពុង​បាត់​ខ្លួន។

គ.ជ.ប បើកឲ្យភ្ញៀវ​ពិសេស​ចូល​មើលការបោះឆ្នោត​ ខណៈ​សង្គម​ស៊ីវិល​បដិសេធ​ចូល​រួម​សង្កេតការណ៍

គណៈកម្មាធិការជាតិ​រៀបចំការបោះឆ្នោត (គ.ជ.ប) បាន​ប្រកាសឲ្យ​មានភ្ញៀវពិសេសជាបរទេស ចូលពិនិត្យមើលការបោះឆ្នោត​នៅកម្ពុជា ខណៈប្រទេសលោកសេរីមួយចំនួនបានរិះគន់ថា ការបោះឆ្នោតខាងមុខនេះមិនមានតម្លាភាព។
All articles loaded
No more articles to load