ក្រុមមន្ត្រីការទូតនៃបណ្ដាប្រទេសលោកសេរី រួមទាំងសហរដ្ឋអាមេរិកផង បានបន្តជួបអតីតមេដឹកនាំបក្សប្រឆាំង លោក កឹម សុខា លើកទឹកចិត្តឱ្យបន្តរកលទ្ធភាពសន្ទនានយោបាយជាមួយមេដឹកនាំបក្សកាន់អំណាច ដើម្បីផ្សះផ្សាជាតិ ក្រោយពីមេដឹកនាំទាំងពីរបានជួបគ្នាដ៏កម្រមួយនៅពេលថ្មីៗនេះ ។
មេធាវីការពារក្ដីឱ្យសកម្មជនអតីតបក្សប្រឆាំង អះអាងថា សវនាការជំនុំជម្រះសំណុំរឿង«រួមគំនិតក្បត់»ដែលចោទប្រកាន់ទៅលើសកម្មជន ៥នាក់ដែលគាំទ្រអតីតគណបក្សសង្គ្រោះជាតិនៅខេត្តត្បូងឃ្មុំ ត្រូវបានតុលាការសម្រេចលើកពេលហើយ។
តុលាការជាន់ខ្ពស់កម្ពុជា បានសម្រេចរក្សាសេចក្ដីសម្រេចរបស់តុលាការជាន់ទាប ជុំវិញបណ្ដឹងជំទាស់នឹងការដាក់ភស្តុតាងថ្មីនៅក្នុងដំណើរការជម្រះក្ដីសំណុំរឿង«ក្បត់ជាតិ»ចោល ទៅលើអតីតមេដឹកនាំបក្សប្រឆាំង លោក កឹម សុខា ដែលកំពុងស្ថិតក្នុងដំណាក់កាលផ្អាកដំណើរការ។
ក្រុមអង្គការសមាគម អំពាវនាវទៅរដ្ឋាភិបាលឱ្យធ្វើវិសោធនកម្មបន្ទាន់ ចំពោះច្បាប់ស្តីពីការគ្រប់គ្រងប្រទេសក្នុងភាពអាសន្ន ដោយមានការចូលរួមពីអ្នកជំនាញអន្តរជាតិ ដោយថា ដើម្បីបញ្ចៀសការគំរាមកំហែង «យ៉ាងធ្ងន់ធ្ងរដល់សិទ្ធិមនុស្ស» ធានាដោយរដ្ឋធម្មនុញ។
អតីតប្រធានគណបក្សសង្គ្រោះជាតិ លោក កឹម សុខា អះអាងថា ប្រកាសបើកជួបជាមួយនឹងឯកអគ្គរដ្ឋទូត-ឯកអគ្គរាជទូត នៃប្រទេសកាន់លទ្ធិប្រជាធិបតេយ្យសំខាន់ៗមួយចំនួនដែលមានស្ថានទូតនៅភ្នំពេញ ដោយផ្ទាល់ នៅគេហដ្ឋានរបស់លោកជាបន្តបន្ទាប់ក្នុងសប្តាហ៍នេះ។
មន្ត្រីស្និទ្ធនឹងអតីតមេដឹកនាំបក្សប្រឆាំង អះអាងថា លោក កឹម សុខា បានជជែកជាមួយលោកនាយករដ្ឋមន្ត្រី ហ៊ុន សែន អំពីប្រយោជន៍ជាតិក្នុងជំនួបដ៏កម្រមួយ ក្នុងរាជធានីភ្នំពេញ កាលពីថ្ងៃអង្គារកន្លងមកនេះ។
ជំនួបដ៏កម្រក្រោយខកខានជួបគ្នាអស់រយៈពេលប្រមាណ ៤ឆ្នាំ រវាងអតីតមេបក្សសង្គ្រោះជាតិ លោក កឹម សុខា និងលោកនាយករដ្ឋមន្ត្រី ហ៊ុន សែន បានធ្វើឱ្យមានការចាប់អារម្មណ៍ច្រើនពីសាធារណជន ដោយក្រុមអ្នកឃ្លាំមើលយល់ឃើញថា ជំនួបនេះជាការបើកផ្លូវទៅរកកិច្ចសន្ទនានយោបាយ ដែលនឹងផ្តល់ភាពវិជ្ជមាននៅថ្ងៃខាងមុខ។
អតីតមេដឹកនាំបក្សប្រឆាំង បានបង្ហាញសមានចិត្តចូលរួមរំលែកទុក្ខជាមួយក្រុមគ្រួសារលោក ហ៊ុន សែន នៅថ្ងៃនេះ បន្ទាប់ពីម្ដាយក្មេករបស់នាយករដ្ឋមន្ត្រីបានទទួលមរណភាព។
បណ្ដឹងជំទាស់របស់មេធាវីមេបក្សប្រឆាំង លោក កឹម សុខា ដែលកំពុងស្ថិតនៅក្រោមសំណុំរឿងចោទប្រកាន់ពីបទ«ក្បត់ជាតិ»នោះ នឹងត្រូវបើកសវនាការជំនុំជម្រះនៅសប្ដាហ៍ក្រោយនេះ។
លោកនាយករដ្ឋមន្ត្រី ហ៊ុន សែន លើកឡើងថា ក្រោមការគ្រប់គ្រង និងដឹកនាំរបស់របប ប៉ុល ពត អស់រយៈពេល ៣ឆ្នាំ ៨ខែ ២០ថ្ងៃ គឺបានធ្វើឱ្យប្រជាពលរដ្ឋស្លាប់បាត់បង់ជីវិតអស់ជាច្រើនលាននាក់ ហើយលោកអំពាវនាវឱ្យពលរដ្ឋចូលរួមទប់ស្កាត់របបនេះកុំឱ្យកើតមាននៅកម្ពុជាជាថ្មីទៀត។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
